10 работи што треба да ги правите почесто оваа пролет

Зимата се чини како да трае неколку животи, но моментално сме во најубавото годишно време - пролет. Ако не ѝ обрнете внимание лесно ќе прелета покрај вас, а има толку многу работи што може да ги направите пред да зажежи јулското сонце. 

Понекогаш забораваме да подзастанеме и да уживаме во моментот, па затоа ви предлагаме да ја спроведете оваа забавна пролетна задача додека не е доцна.

Неколку работи кои треба да ги правите почесто оваа пролет или неколкупати:

Исчистете го гардероберот

Користете Пинтерест за инспирација и сортирајте ја вашата облека. Пред да ги спакувате оние дебели зимски џемпери, забележете што не носевте изминатите неколку месеци и размислете да донирате некои зимски парчиња. Со средена гардероба ќе се чувствувате организирани.

Засадете цвеќе или купете нови растенија за вашиот дом

Без разлика дали имате куќа со голем двор или мал стан, растенијата и цвеќињата го трансформираат просторот и ја одбележуваат пролетта.

Обидете се да засадите цвеќиња во вашиот двор или да купите нови растенија за затворен простор, а некогаш е доволно и обичен букет кој трае неколку дена да ја краси масата.

Шетајте секојдневно

Сега, кога хибернацијата заврши, погрижете се да поминувате повеќе време на отворено. Ако имате можност, пешачете наместо да возите автомобил, или едноставно да прошетате секогаш кога имате можност.

Исклучете се од технологијата

Најубавата глетка во пролет се цветните дрвја. Не заборавајте да им се восхитувате, ќе ве наполнат со позитивна енергија.

Направете пикник во парк

Уште еден одличен начин да ги уживате благите температури - спакувајте кошница и наместо дома, ручајте надвор.

Исланирајте пролетно патување

Пролетните патувања не секогаш треба да подразбираат забава на скриена плажа или 5 авионски конекции. Дури и едно ноќевање може да направи да се чувствувате одморени. Истражете блиска дестинација за која досега не сте имале можност да ја посетите.

Купувајте си сезонско овошје и зеленчук

Ништо не е послатко од свежа јагода или други домашни и свежи овошки. Појдете на пазар и одберете ги најубавите свежи плодови и зеленчук.

Отворајте ги почесто сите прозорци

По неколку месеци поминати во затворен простор, чувството на свеж воздух е неверојатно! Уживајте во свежо пролетно ветре додека ги отворате сите ваши прозорци.

Променете нешто во домот

Пролетта инспирира промена, што значи дека ова е совршено време за обновување на вашиот простор. Размислете за бојадисување на вашата соба во свежа нова боја, нови фотографии на ѕидот или едноставно преуредување на вашиот мебел.

Секој обид за редизајнирање може да направи просторот да изгледа да се чувствува сосема поинаку.

Одете во кафулиња на отворено

Угостителските објекти ги отвораат своите летни тераси и се речиси подготвени за новата сезона. Сигурни сме дека и вие сте подготвени, па затоа организирајте средба со пријателите додека уште не почнале летните турканици, наместо да се затворате дома.

А. Ш. | Црнобело