Праќате SMS во друштво?

Не е реткост да се види некој кој прима и праќа пораки преку мобилен телефон додека седи во друштво. Таква постапка е непристојна кон оние со кои...

 

...седите во друштво, со исклучок ако се работи за нешто итно, но пожелно е да се избегнува.

Ви претстои сезона на слави и собирања, што значи зголемена можност за непристојно однесување.

Замислете ја следнава ситуација: гостите собрани, а една или повеќе личности занесени во примање и испраќање пораки наместо да се вклопат во дискусиите на друштвото.

Таквото однесување е многу непријатно за вашите соговорници, за околината, за домаќините, бидејќи со тоа јасно ставате до знаење дека повеќе би разговарале со оние кои не се тука или пак едвај чекате можност некој да ве повика и да „летнете“ од досадниот собир.

Секако може и нешто итно да излезе. Тогаш никој нема да ви замери ако се извините и речете „извинете, итно е, само да одговорам“.  Но, во најголем број случаи не се работи за итност.

Доколку сте во друштво, најдобро е да го исклучите мобилниот телефон или да го ставите на вибрациии за време на собирот, да се воздржите од проверување на пораки, освен ако навистина не очекувате нешто итно.