Бидете внимателни: Кои се „омилените“ предмети на крадците?

Доколку во домот ви има влезено крадец, веќе знаете дека ова искуство е навистина непријатно и застрашувачко. Но дали некогаш сте се запрашале кои предмети од домот се омилената мета на крадците?

Во летната сезона кражбите се почеста појава, најмногу поради тоа што луѓето одат на одмор, па нивните домови се празни и по неколку денови.

Во тој случај, добро е да знаете што најчесто бараат крадците и навреме да ги заштитите овие предмети...

Накит

Накитот е навистина лесно да се продаде нелегално, па неретко ова е првото нешто што го земаат крадците. Најчесто воопшто не им е грижа дали ќе украдат бижутерија или злато и обично земаат сè што ќе им дојде под рака.

Дури потоа разгледуваат што украле и што можат да продадат.

AI асистенти

Електрониката во домот е уште една од главните мети. Во овој случај, најчесто ги одбираат достапните предмети, односно помали, но поскапи направи, како што се AI асистентите.

Пари

Крадците неретко крадат и кеш, па можеби најдобра опција е сите пари да ги чувате во банка. За разлика од кредитните картички, кешот не може да се „откаже“, ниту пак да се следи.

Лекарства со рецепт

Во последно време лекарствата што се издаваат со рецеп стануваат сè повредни. Доколку не ги крадат за лична употреба, многу лесно можат да ги продадат на улица, а ова пак може да предизвика проблем.

Па, добро сокријте ги лекарствата и ослободете се од оние со поминат рок.

Телевизори и друга електроника

Конзоли за видео игри, телевизори што не се закачени на ѕидот, појачувала, звучници... сето ова се предмети што се лесно преносливи и што можат да се продадат по висока цена.

Имајте на ум дека крадците ретко ќе украдат телевизор што е закачен на ѕидот – ќе им биде потребно повеќе време. Па, осигурете ја вашата електроника што е можно подобро.

Огнено оружје

И огненото оружје е честа мета на крадците. Па, доколку имате какво било оружје во домот, сокријте го внимателно.

Алати

Ова е можеби најмалку очекуваниот предмет на листата. Можеби не мислите дека вашите електрични алати од гаражата ќе привлечат некој крадец, но тие се лесно преносливи и лесно се продаваат на црно. Па, добро зашиете ги и вашите алати.

Лични информации

Понекогаш крадецот во вашиот дом може да биде и личност што ја познавате. Имено, во 65,1% од случаите, крадецот воопшто не бил странец.

Најчесто овие луѓе можат да украдат лични информации од вашиот компјутер, неретко само за да ви наштетат.

Ниту сефот не е безбеден

Сефовите не гарантираат целосна заштита од крадци, особено ако се мали и не се инсталирани во ѕид. Доколку имате мал сеф под кревет, на крадецот нема да му биде проблем да го земе целиот.

Доколку купувате електронски сеф, добро е да знаете дека и тие можат да бидат хакирани. Старомодните сефови, пак, лесно се отвараат со малку повеќе сила.

Метал

Металите како бакарот се вредни и лесно можат да бидат продадени на улица. Во овој случај, најчеста мета се клима уредите, бојлерите, електричните кабли и слично.

За овие предмети, крадците најчесто напаѓаат домови кои се во изградба, но тоа не значи дека ќе запрат овде.

Кујнски апарати

И вашиот блендер може да биде мета на крадците. И овие предмети се доволно мали и лесно се продаваат на црно. Постојат случаи и каде што крадците земале фрижидери и шпорети поради нивните високи цени.

Стара електроника

Можеби не ни помислувате да го вклучите старото ДВД, но тоа е добар „улов“ за крадците. Најчесто тие не трошат време за да побараат одредено нешто, туку собираат сè, па неретко се крадат и стари, дури и расипани електронски уреди.

Спирова С. | Црнобело