Докажано е: Буквално можеме да умреме од здодевност?

Сите барем еднаш во животот сме ја кажале познатата фраза: „Ќе умрам од здодевност“, но ова не е, всушност, можно. Или? Се чини дека здодевноста може и буквално да нé убие. Згора на тоа, ова е научно докажано.

Иако звучи неверојатно, неодамнешните истражувања покажале дека постојат врски помеѓу многу случаи на предвремена смрт и здодевност.

Но, најголемиот ризик од „умирање од здодевност“ не е здодевноста, сама по себе, туку она што го правиме обидувајќи се да избегнеме досадување.

Луѓето на кои им е лесно досадно имаат поголема веројатност се впуштаат во ризични однесувања, во потрага по возбуда. Од невнимателен сексуален однос, па сè до екстремни спортови.

Работите со кои луѓето се обидуваат да се забавуваат статистички значајно го скратуваат нивниот животен век.

Тинејџерите се досадуваат, бидејќи се изложени на премногу стимули од сите страни, од игри до телевизија и социјални мрежи. Кога акцијата „забавува“ тие не можат да се справат со мирување. Повеќето луѓе го надминуваат овој проблем, но не секогаш.

Од типот на личноста зависи дали лицето кое бара возбуда ќе биде склоно кон ризично однесување.

Причината зошто чувствуваме здодевност се крие во допаминските рецептори. Кога сме возбудени, се испушта невротрансмитер што предизвикува чувство на восхит, а во таквите ситуации се чувствуваме задоволно и, природно, па сакаме повеќе.

Во некои случаи, во зависност од видот на личноста, лицето може да стане буквално зависно од чувството на возбуда, бидејќи здодевноста му станува неподнослива.

Тим на научници од универзитетот во Лондон тврдат дека очекуваниот животен век е скратен ако луѓето се досадуваат.

Анализата на податоците покажала дека луѓето кои се жалат на здодевност имаат поголема веројатност да умрат млади, а оние кои имаат „високо ниво“ на здодевност, имаат дупло поголема веројатност да умрат од срцеви заболувања, во споредба со луѓето кои се задоволни со нивната состојба.

Ашера | Црнобело