Како црвените конци управуваат со нашиот живот според античка јапонска легенда?

Која е смислата на животот? Секоја култура и религија има обид за одговор на ова тешко прашање. Благодарение на оваа потрага, луѓето ги продуцираа најубавите уметнички дела, најкомплицираните филозофски трактати и најпривлечните легенди. Оваа легенда потекнува од Јапонија и се вика: „Црвените конци на судбината“.

Затворете ги очите и замислете дека вашето тело е целосно транспарентно. Фокусирајте се на еден посебен нерв - оној што води директно од срцето до малиот прст. Истиот извира од лактот, правејќи го вашиот мал прст гласник на срцето.

Поради оваа причина, во повеќето култури низ целиот свет, помирувањето и заклетвите се вршат со помош на малиот прст.

Според античка јапонска легенда, овој нерв, што потекнува од срцето, не завршува на врвот на малиот прст. Истиот продолжува над телото во форма на невидлив црвен конец и го спојува вашето срце со срцата на другите луѓе.

Две лица поврзани на овој начин се поврзани со самата судбина. Тие порано или подоцна ќе се запознаат, каде и да се, и колку и да бидат физички оддалечени. Кога тоа ќе се случи, запознавањето ќе остави неизбришлив белег на нив.

Понекогаш црвените конци можат да бидат испреплетени и со другите конци, што може да предизвика да се одложи судбоносната средба. Но, двете нишки наменети една за друга никогаш нема да се прекинат, а нивната судбина ќе се исполни, порано или подоцна.

Ако некогаш сте помислиле дека некоја средба во вашиот живот е судбоносна, оваа легенда докажува дека сте биле во право. На крајот на краиштата, една стара изрека од Јапонија вели: „Нашиот свет е полн со пречки, но ништо не се случува во него случајно“.

Ашера | Црнобело