Во животот ќе почувствувате само 3 видови на страв

Сите стравови ги имаат своите корени во две работи: силна приврзаност / поврзаност и незнаење.

Силната приврзаност ве прави ранливи, бидејќи подразбира приврзаност кон вашиот ум, емоции и желба за нешто надворешно. Тоа го отвора првиот вид страв: страв од губење на она на што сте приврзани. Незнаењето, од друга страна, ве става во состојба на неизвесност и во таква состојба е лесно е да се плашите. Неможноста за точно идентификување на опасностите или ризиците ве тера да се чувствувате несигурно и исплашено.

Зен учењата за стравот се, исто така, и лекции за егото. Учителите на оваа специфична филозофска дисциплина веруваат дека постојат само три вида на страв и дека сите се поврзани со она што го нарекуваме его.

1. Страв за сопствениот живот

Најосновниот страв кај луѓето е стравот за сопствениот живот. Губењето на животот се идентификува со загуба на телото. Луѓето се физички суштества и нашите тела се нашата најелементарна реалност.

Живееме во нашите тела, а стравот од губење на телата е страв дека повеќе нема да постоиме.

Овој страв е ист како страв од умирање. Сепак, смртта не е само крај на телесните функции. Постојат и други фази на физичка загуба на патот до смртта. Може да ја изгубите способноста, младоста или нормалното функционирање на вашето тело.

2. Губење на себеси

Стравот од губење на себе може да се нарече и страв од промени. Започнувате да мислите дека сте она што сте навикнале да бидете. Се идентификувате со навиките, па сметате дека вашето битие „се состои“ од активности што ги правите секојдневно.

Толку сте навикнати да се гледате себеси во сегашните околности, што почнувате да се плашите од секоја промена. Се плашите од сé што може да се случи ако вашата околина се промени.

Потоа доаѓа страв од губење на себе. Чувствувате страв и не знаете што да направите или како да постапувате. Ова е еден вид страв од исчезнување.

3. Страв од страдање

Во принцип, страдањето создава чувство на непријатност и напор. Страдањето се однесува на ограничувања, фрустрации и неисполнети желби. Страдањето може да биде многу интензивно и парализирачко.

Ашера | Црнобело