Совети од 1938-ма за полесно спиење - сè уште делуваат

Сите луѓе страдаат од несоница, барем некогаш во животот, и бараат начини да се справат со неа. 

Ова е универзален проблем што ги мачел и претходните генерации, па затоа не е изненадување што советите од 1938 година се практично идентични со денешните.

Овие совети од 1938 година за спиење сè уште делуваат, па можеби не е лошо да ги испробате.

Длабоко дишење

Едноставно вдишете 20 пати рамномерно, а потоа задржете го здивот 21-от пат, колку што е можно подолго. Третиот пат кога ќе започнете да го правите ова, ќе ви се приспие.

Замислете среќно место

Ставете ги рацете зад главата, опуштете се и помислете на нешто што ве прави среќни. Ова може да биде спомен на некој прекрасен момент од минатото или што било друго.

Вежбајте

Понекогаш спиеме лошо, бидејќи не сме доволно уморни. Поради оваа причина секогаш можете да вежбате пред спиење, доколку не сте биле премногу активни во текот на денот.

Направете нешто што не ви се допаѓа

Непишаното правило е дека на луѓето не им се спие кога нешто им е интересно. Затоа, ако сакате да заспиете правете нешто што не ви се допаѓа.

Слушајте класична музика

Класичните музички тонови се генерално смирувачки, а можат да послужат како приспивна музика.

Излезете на свеж воздух

Иако се вели дека свежиот воздух може да ве разбуди, истиот може и да ве успие. Кога ќе дишете свеж воздух, ќе бидете освежени и подготвени да заспиете.

Ашера | Црнобело