Работи што почнувате да ги криете штом наполните 30 години

Криете дека сте раскинале со партнерот

Можеби сте биле заедно цела деценија, но сега сте сфатиле дека тој не е за вас. Проблемот е што другите нема да го сфатат тоа и ќе коментираат дека сте изгубиле 5, 10 години од вашиот живот. Вие, се разбира, не сакате да го слушате ова па некој период ќе криете дека всушност сте сингл.

Ги избегнувате семејните собири

Сега ви е навистина лесно да се преправате дека сте премногу зафатени за семејните собири. Најверојатно ги избегнувате овие настани бидејќи се чувствувате како црна овца.

Бидејќи веќе имате 30 години, од вас се очекуваат многу работи за кои вие не ни сакате да размислувате, а знаете дека тоа е тема на разговор на овие собири. Па, најдобро е да си останете дома бидејќи сте „зафатени“.

Криете дека сте останале без работа

Сите очекуваат дека кога еднаш ќе се вработите, засекогаш да останете вработени, и тоа на истото место. Но поради некоја причина можеби ви дале отказ, или пак самите сте одлучиле да заминете.

Без разлика каква е вашата приказна, знаете дека статусот „невработена“ ќе ве направи мета на критики, па си го чувате за себе.

Чувствувате криза на идентитетот

Сигурно познавате безброј жени што си го „средиле“ животот, завршиле факултет, се омажиле и родиле дете пред да наполнат 30. Но, вие не сте го направиле тоа и сега почнувате да размислувате за вашите животни одлуки. Но важно е да знаете дека тоа што вашиот животен пат е поразличен од оној на другите, не значи дека нешто не е во ред со вас.

Едноставно, вие имате други потреби и желби и треба да ги следите нив. Па, време е да престанете да се тешите и ослободете се од сите лажни убедувања. Нема потреба да се криете и да се лажете себеси и светот околу вас.

Спирова С. | Црнобело