Работи што почнувате да ги криете штом наполните 30 години

Речиси секоја жена прави голема забава за својот триесетти роденден. Сепак, започнувате нова деценија од животот, сè уште сте млади, имате пријатели, кариерата ви е стабилна и пред вас е целиот живот.

Но, неретко сето ова е само фасада. Сигурно постојат нечии очекувања, како брак, дете и слично што не сте ги исполниле, па се чувствувате навистина лошо.

Па, сосема нормално е откако ќе наполните 30 години, да почнете да лажете за некои работи...

Лажете за вашите години

Можеби ќе го тргнете вашиот роденден од социјалните мрежи, или барем годината. А кога некој ќе ве праша колку години имате, ќе кажете помал број. Сигурно ќе почнете да се прашувате и до кога ќе можете да лажете за вашата возраст.

Истовремено ќе почнете да ги гледате другите жени и да ја погодувате нивната возраст. Ќе почнете да ги забележувате малите промени на вашите лице и тело и ќе се надевате дека ќе можете да ја криете вашата возраст уште некоја година.

Почнувате да размислувате за мали интервенции, а ова го криете од сите

Можеби само сакате малку да ги пополните усните, нешто што другите сигурно не би го забележале. Но потоа ќе почнете да размислувате за липосукција, за пластична хирургија и за разни корекции на вашиот изглед. Ова, се разбира, нема да го кажете никому.

Размислувате да одите на некоја терапија

Сигурно постојано слушате дека терапијата е одлична кога не се чувствувате добро психички. Но голема е веројатноста вашите блиски да не одат на терапија, па ќе почнете да се сомневате во себе. Ќе се прашувате дали нешто не е во ред со вас или навистина би требало да посетите терапевт.

Продолжува на следната страница...