Баба од Мексико „си гази“ на YouTube - милиони ги следат нејзините рецепти

Кога ќе ги погледнете видеата на баба Анхела од Мексико, нема да ве интересира ниту еден друг Јутубер.

Го имала своето деби на платформата пред само 2-3 месеци, но веќе има над 8 милиони прегледи на видеата. Интересно е што таа на никаков начин го нема промовирано нејзиниот YouTube канал, туку едноставно, прави видеа полни со љубов, што сите уживаат да ги гледаат.

На нејзиниот канал De Mi Rancho a Tu Cocina (Од мојата фарма до вашата кујна), споделува домашно направени рецепти, најчесто од мексиканската кујна.

Најдоброто од сè е што поголемиот дел од состојките што ги користи се од нејзината фарма.

Покрај готвењето, Анхела често ја покажува и нејзината бавча, која сигурно ќе посакате да ја имате дома. Истовремено, прави готвењето и чистењето да изгледаат многу лесно.

Првпат го привлекла вниманието на јавноста кога нејзината ќерка почнала да ја снима во градината.

Првото видео било објавено на 20-ти август, но дури на 9-ти септември Анхела го откри нејзиното име и нејзината локација. Оттогаш, популарноста на бабичката постојано расте.

На фановите најмногу им се допаѓа скромноста, а многумина изјавиле дека ги потсетува на нивната баба.

Ова се дел од коментарите:

„Плачам кога ги гледам нејзините видеа бидејќи се многу носталгични. Навистина се надевам дека ќе имам можност да ја посетам наскоро. Muchas gracias, Dona Angela!“

„Сакам сè што правиш – сè изгледа вкусно. Ти благодарам што одвојуваш неколку минути од твоето време за да ги споделиш твоите вкусни рецепти.“

„Ги сакам нејзините рецепти и нејзината скромност, не е како сите други кои само сакаат да направат некакво видео. Те молам продолжи како досега, готви со убавина и едноставност.“

Па, ако немате идеја за следниот оброк, можете да пробате некој од рецептите на баба Анхела...

Спирова С. | Црнобело