Кратки приказни кои треба да им ги раскажете на луѓето кои се обидуваат да ве понижат

Секогаш ќе постои личност која ќе сака да ве понижи и да направи да се чувствувате лошо.

Всушност, дури ни најголемите личности во историјата не биле имуни на непријателите и нивното подбивање. Но, овие луѓе знаеле како да ги замолчат „подбивачите“ со само една реченица.

Во продолжение погледнете неколку анегдоти што ќе ви покажат како да се справите со непријателите:

Спартанците и Филип Втори

Крал Филип: „Ако победам во оваа битка, засекогаш ќе ми бидете робови.“

Спартанците: „Ако.“

Стивен Хокинг и новинар

Новинарот: „Тврдите дека можно е да постојат безброј паралелни универзуми. Дали тоа значи дека постои паралелен универзум во кој јас сум попаметен од вас?“

Хокинг: „Да. Постои и универзум во кој ти имаш смисла за хумор.“

Дороти Паркер и пијаница

Пијаницата: „Не можам да поднесам будали.“

Дороти: „Очигледно, твојата мајка можела.“

Махатма Ганди и новинар

Новинарот: „Што мислите за западната цивилизација?“

Ганди: „Мислам дека цивилизација на западот е добра идеја.“

Една Фербер и Ноел Кауард

Ноел: „Една, па ти речиси изгледаш како маж.“

Една: „Каква случајност, исто и ти!“

Винстон Черчил и Џорџ Бернард Шо

Шо: „Ви праќам две влезници за првата изведба на мојата нова претстава. Дојдете со пријател… ако имате со кој.“

Черчил: „Никако не можам да присуствувам на првата претстава. Ќе дојдам на втората… ако се одржи.“

Гручо Маркс и натпреварувачка во ТВ емисија

Натпреварувачката: „Имам 10 деца.“

Маркс: „Десет? Зошто толку многу?“

Натпреварувачката: „Затоа што го сакам мојот сопруг.“

Маркс: „И јас ги сакам цигарите, но сепак, понекогаш ги вадам од уста.“

Елизабет Тејлор и новинар

Новинарот: „Кој машки главен лик ви бил најдобар партнер во филмовите?“

Елизабет: „Од оние кои ми се најдраги, би требало да спомнам неколку коњи и кучиња.“

Еминем и новинарка

Новинарката: „Луѓето велат дека Лил Вејн е пратен од Бог за да ги научи луѓето да рапуваат…“

Еминем: „Не се сеќавам дека сум пратил некој.“

Моцарт и обожавател

Обожавателот: „Господине Моцарт, размислувам да напишам симфонија. Можете ли да ми дадете предлог како да почнам?“

Моцарт: „Симфониите се сложена музичка форма. Можеби треба да почнете со нешто поедноставно, па полека да стигнете до симфонија.“

Обожавателот: „Но господине, вие сте пишувале симфонии уште на 8-годишна возраст!“

Моцарт: „Да, но никогаш не сум прашал некој како да го направам тоа.“

Спирова С. | Црнобело