Зошто треба да престанете да ставате хартија на шолјите во јавните тоалети?

Дали и вие сте од оние кои ја „редат“ школката во јавен тоалет со хартија? Иако мислите дека тоа ќе ве заштити од бактериите – се лажете.

Вистинска реткост е да најдете локали каде тоалетите се чисти, но дури и онаму каде што изгледаат пристојно, сепак многумина имаат навика да наредат парчиња тоалет хартија пред да ја употребат тоалетната школка.

Сепак, иако мислите дека тоа ќе ве заштити од контактот со бактерии, истражувањата велат дека правите полошо.

Во јавните тоалети има бактерии насекаде. Секој пат кога се пушта вода во школката, фекалните бактерии се распрскуваат на сите предмети во околината – самата шолја, на ѕидовите, на кваката, па дури и на тоалет хартијата.

Тоалетната хартија апсорбира влажност, а тоа се одлични услови за размножување на бактерии. Па, кога го покривате капакот со хартијата – наместо да се штитите, всушност вие покривате контаминирана површина со уште поконтаминиран материјал.

Јавните тоалети ги користат многу луѓе и никогаш не може да знаете каде сè паднала и допрела хартијата и што сè има на неа, па би било добро да размислите пред да си седнете безгрижно врз неа.

Во такви случаи, ако сакате да се заштитите од бактерии, подобро носете си свои затворени марамчиња кои ќе ги искористите како заштита помеѓу шолјата и вашата кожа. Ако немате, веројатно е подобро да избегнувате контакт со шолјата и секогаш трудете се да оставите чисто зад себе.

А, по користењето, не заборавајте правилно да ги измиете рацете, да ги истриете со сапун барем 20-30 секунди, да се избришете со чисто марамче кое не било изложено на бактерии и да не допирате никакви површини отпосле.

М. М. | Црнобело