Зошто принцезата Дијана носеше два часовници на нејзиниот зглоб?

Принцезата Дијана беше една од најголемите модни икони во 90-тите, а притоа кршеше многу од кралските правила за облекување.

На пример, ракавиците се задолжително парче за жените од кралското семејство, но Дијана одбираше да ги носи, и тоа само за да чувствува поголема близина со луѓето што ги сретнува.

Многупати, принцезата беше забележана со два часовници на нејзиниот зглоб, но ова не е само тренд што таа сакала да го прослави. Всушност, зад овој моден избор се крие навистина интересна приказна.

Фотографијата подолу е направена во 1981-ва, кратко по свршувачката на Дијана со принцот Чарлс.

Овде принцезата гледа како нејзиниот вереник игра поло, а на нејзината рака се забележуваат два часовници.

Наводно, златниот часовник со тенко ремче ѝ припаѓал на Дијана, но потемниот бил на Чарлс. Принцезата има изјавено дека го носела часовникот на Чарлс во негова чест, но и за да му „држи среќа“.

Овој гест многу потсетува на традиција од минатото – младите дами им врзувале шамивче на шлемовите на витезите пред дуел. Шамивчето било како амајлија за среќа и со ова дамите ја покажувале нивната поддршка за витезите.

Иако можеби бракот на Дијана и Чарлс не издржа, овој гест покажува дека, барем на почетокот, нивната љубов сепак била искрена.

Дијана ја има покажано наклонетоста кон саканите и со друг интересен гест. На денот на нејзината венчавка, принцезата не ја носеше круната што ѝ ја дала кралицата. Наместо тоа, таа носеше круна што била во нејзиното семејство со години.

Многу жени од семејството на Дијана ја носеле токму таа круна на денот на нивната венчавка, а принцезата покажа дека ја почитува традицијата.

Спирова С. | Црнобело