Каизен - Животна филозофија за мир и ред во секојдневието

Се чини дека секоја година добиваме нов концепт на живеење преку книгите. Откако светот го освои хиге, сега е редот на јапонската филозофија на живеење позната како каизен. 

Но, каизен е всушност модел стар неколку децении. Па, за што точно станува збор?

Самиот поим потекнува од јапонските зборови „каи“ и „зен“, кои буквално се преведуваат како промена на подобро. Првично, ова била филозофија за животот и работата, односно континуирано подобрување на процесот на производство во компаниите.

Терминот го измислил Таичи Оно, „татко“ на системот за производство на автомобилите на Тојота. Имено, ова е термин кој е најрелевантен за Тојота.

За да се намалат загубите во процесот на производство, директорите барале начини да ги намалат моментите во кои се губи времето. Ова не се однесувало само на процесите зад производната линија, туку и за целокупното подобрување на квалитетот на животот на работниците.

Многу компании денес, гледајќи го успехот на Тојота, без оглед на тоа што прават, ги применуваат овие 10 принципи на каизен:

1. Секогаш треба да се стремите кон подобрување. Работите секогаш можат да бидат подобри отколку што се сега.

2. Секогаш преиспитувајте ја традицијата и, доколку е потребно, отфрлете ги старите начини и прифатете ги новите.

3. Наместо да побарате совет од само еден експерт, прашајте што е можно повеќе луѓе.

4. Не трошете време на изговори, туку фокусирајте се на изнаоѓање решение.

5. Бидете сигурни дека вашата одлука се заснова на докажани факти, а не на нечии мислења.

6. Дојдете до коренот на проблемот што ве мачи и секогаш прашувајте се „Зошто?“ најмалку петпати.

7. Пред да потрошите пари за да го решите проблемот, обидете се да најдете поевтино и полесно решение.

8. Секогаш преиспитувајте го статус квото.

9. Започнете со подобрување сега, дури и ако ги немате сите одговори.

10. Бидете вклучени. Вистинска промена мора да вклучува некој што работи на одреден проект или проблем.

Сето ова има значително влијание врз продуктивноста на Тојота, како и на многу други деловни објекти што го имаат имплементирано каизен.

Ашера | Црнобело