Како да ги „прочитате“ луѓето според нивните навики и начини на однесување?

Секојдневните навики за извршување на вообичаените обврски во животот можат да ви кажат многу за личноста. Ракувањата, модните избори и начинот на кој одите се само некои од нив.

Еве како можете да го прочитате карактерот на луѓето преку нивното одење, пишување, селфи...

Говор на тело

Експертот за говор на телото, Пети Вуд, вели дека одењето ја открива личноста.

Ако вашата тежина е обично напред и се движите побрзо, вие сте многу продуктивни и логични. Доколку одите со градите напред, а ја држите главата нагоре (што е вообичаено кај многу политичари и познати личности), забавни сте, харизматични и социјално расположени.

Ако вашата телесна тежина е во рамнина, а не напред или назад, повеќе сте фокусирани на вашиот личен живот отколку на вашата кариера. Ако вашата тежина е на прстите, а со очите го гледате подот, веројатно сте интроверти.

Ракување

Постојат осум карактеристики на ракувањето: јачина, температура, сувост, цврстина, времетраење, енергичност, текстура и контакт со очите.

Луѓе со цврст стисок се емотивно поизразени, отворени и позитивни од другите. Оние со полабав стисок се класифицираат како посрамежливи и невротични.

Лоши навики

Луѓето кои постојано ја допираат косата или ги гризат ноктите или усните се склони кон перфекционизам, а нивните постапки се резултат на обидот да се убие здодевноста, нервозата или незадоволството.

Бидејќи е подобро да се направи нешто наместо ништо, овие повторливи однесувања се, на некој начин, утеха за нив.

Навики во исхраната

Однесувањето поврзано со храната ни кажува многу за личноста. Оние што јадат полека ја сакаат контролата, додека оние што брзо јадат обично се амбициозни и нетрпеливи.

Ако сте некој кој сака да ги одделува состојките во чинијата, вие сте многу внимателни и детално ориентирани во вашиот секојдневен живот.

Начин на правење селфи

Вашите профили на Instagram или Facebook кажуваат многу за вас. Совесните луѓе ретко ќе откријат приватен простор во позадина. Луѓето кои покажуваат позитивни изрази на лицето, како што се насмевки, се поотворени за нови искуства, додека „duckface“ е поврзан со невротична личност.

Ракопис

Луѓето кои пишуваат големи букви бараат внимание, додека оние кои пишуваат со мали букви се интровертни и со подобар фокус.

Ракописот со посилен притисок укажува на тоа дека сте поемотивни и поодговорни, а помал притисок подразбира леснотија и можност за промена.

Ашера | Црнобело