10 навики кои се надеваме дека ќе ги промениме и откако пандемијата ќе заврши

Пандемијата ни го промени секојдневието, но искрено се надеваме дека ќе ни ги промени навиките и на подолг рок.

Големи се шансите и кога ќе се прогласи крај на епидемијата, некои навики да останат сосема нормални.

На пример:

1. Да завршиме со ракувањето како начин на поздравување, или бакнувањето да се користи многу поретко.

2. Да продолжат да се оставаат дезинфекциски средства на повеќе локации.

3. Да го промениме начинот на кој се однесуваме со келнерите и продавачите, бидејќи сега разбираме колку ни е важно да работат сите локали.

4. Фирмите полесно да им дозволуваат на вработените да работат од дома.

5. Но, и вработените да бидат пофлексибилни и да се прилагодат на барањата на фирмата или клиентите.

6. Луѓето посериозно да ја разберат заштитата на личниот простор.

7. Многу почесто и подолго ќе миеме раце.

8. Ќе избегнуваме гужви во кои не е неопходно да се наоѓаме.

9. Подобро ќе внимаваме на здравјето на другите, посебно повозрасните.

10. Училиштата и учениците ќе бидат подготвени и за учење и оценување на далечина.

М. Д. | Црнобело