Како се слабее кога мразиш вежбање - Девојка изгубила неверојатни 44 kg со танцување (фото)

Ќе заборавите на сите изговори од типот – „теретаната е затворена“ или „не можам да вежбам дома“ кога ќе ги видите резултатите на 20-годишната Тринити Вилс.

Во текот на неполни 2 години, вклучувајќи го и времето поминато во карантин, таа успеала да симне неверојатни 44 килограми, заменувајќи го бројчето 50 на облеката со 38.

Тринити тежела 109 килограми пред да започне да танцува, а сега има 65. 20-годишната студентка од Есекс, Велика Британија го симнала вишокот килограми со танцување.

„Горда сум на себеси до каде успеав да стигнам и дефинитивно ќе продолжам да танцувам. Стигнав до страшна тежина и тоа на млада возраст. Го мразев секој вид на вежбање. Продолжував да јадам наместо да се справам со емоциите“.

Покрај танцувањето, Тринити ја исфрлила сета храна која била лоша за неа, како слатки и грицки кои ги заменила со салати и здрава храна.

Таа се борела со вишокот килограми уште од малечка. Ја нарекувале „дебелката“ во класот и се здебелувала константно околу 6 килограми годишно.

Почнала да чувствува болки во колената поради високата тежина, што ја направило уште помрзелива. Не можела да издржи ниту еден час по физичко воспитување со своите соученици.

Дури и најобична прошетка ја оставала задишана, поради што започнала да избегнува секаков вид на физичка активност.

„Матурската требаше да биде специјален ден, ден за паметење, но не можев да се чувствувам полошо. Секоја девојка сака да изгледа прекрасно на својата матурска забава, но јас се чувствував одвратно и неудобно.

Плачев пред да стигнам. Не се чувствував како да припаѓам таму. Сакав да се сликам со пријателите, но ја мразев секоја слика. Тоа направи да се чувствувам толку лошо во врска со себеси. Сфатив дека не сакам повеќе да се чувствувам така“.

Целта на Тринити била да изгуби дел од телесната тежина со цел да си го подобри здравјето. Но, бидејќи мразела да вежба, се чувствувала прилично несигурно и срамежливо во сала за вежбање, а подоцна и онака биле затворени за време на карантинот, па таа нашла решение – танцување.

Тринити успеала да го симне огромниот вишок на килограми танцувајќи дома на своите омилени песни. Започнала со 2 пати неделно, а потоа започнала да го практикува ова секојдневно.

Прилично инспиративна приказна, нели?

(О)Милена | Црнобело