Не е дека „имате слатка крв“ - зошто ве касаат комарци?

„Сезоната на комарци“ е официјално отворена. Ако сте честа мета на комарците сигурно си мислите „слатка крв – затоа ме касаат“. Но, ќе ве разочараме. Комарците ве напаѓаат заради друга причина.

Нив ги привлекува човечкиот здив т.е. јаглеродниот диоксид кој го издишуваме, во комбинација со разни хемикалии, создава мирис кој комарците можат да го почувствуваат и на 30m оддалеченост.

Биологот Барт Кнолс тврди дека секоја личност ослободува повеќе од 300 различни хемикалии од кожата, а дури 100 од нив се во здивот.

Уште еден важен фактор е и мирисот на кожата.

Така на пример, жолтите и тигрести комарци ги привлекува млечната киселина, додека обичниот комарец е склон кон масна киселина.

Постои и верување дека луѓето кои јадат кромид и земаат суплементи со витамин Б ги одбиваат комарците, но биологот вели дека не постојат доволно докази за ова.

А, какви хемикалии испуштаме, зависи од тоа што го јадеме и нашите хигиенски навики.

Јапонските научници пак, веруваат дека крвната група е пресудна за комарците. Па така, личностите со 0 (нулта) крвна група се најчеста мета. А, најмалку веројатно дека ќе ве каснат е ако сте крвна група А.

Прочитајте и: Трикови кои ќе ви помогнат да се „спасите“ од досадните комарци во лето.

Е. П. | Црнобело