Која е сестрата на Меланија Трамп? Инес Кнавс умешно се крие од јавноста

За приватниот живот на Меланија Трамп е секогаш интересно да се зборува и истражува. Еден дел од него, таа успева да го сокрие од очите на јавноста.

Ретко кој знае за нејзината две години постара сестра Инес Кнаус. Инес и Меланија биле отсекогаш многу блиски, и до денес се голема поддршка една на друга.

Инес живее во Њујорк и ретко кога може да ја видите во јавност со Меланија.

Сестрите се родени во малото гратче Севница во Словенија. Нивните родители Виктор и Амалија Кнавс се преселиле во Америка следејќи ги нивните две ќерки.

Виктор работел како продавач во компанија за автомобили, а Амалија во фабрика за детска облека. Честопати нивната мајка правела дизајнирана облека за девојките. Штом Меланија научила да скицира – таа започнала да дизајнира облека, а нејзината мајка и сестра ги шиеле моделите.

Сестрите завршиле средно училиште во Љубљана, и сонувале да станат светски познати дизајнери.

Инес и Меланија имаат и полубрат, Денис Цигелњак, роден пред да се запознаат Виктор и Амалија, но нивниот татко никогаш не го признал Денис за свој син, и не го запознал со семејството.

Додека живеат во главниот град, Меланија ја започнува кариерата на модел, а во раните 90-ти се сели во Милано. Кај Инес останува желбата за да се пробие во модната индустрија како дизајнер.

Сестрите го промениле презимето од Кнавс, во Кнаус, да звучи повеќе германски.

Инес се сели во Њујорк кога Меланија потпишува договор за работа со модната агенција Paolo Zampolli, по што таа добива работна виза за САД и се запознава со нејзиниот иден сопруг, Доналд Трамп, на забава во 1998-ма година.

Taa во моментов живее во стан на Парк Авенијата, вреден 2 милиони долари, во сопственост на Трамп.

Инес на социјалните мрежи објавува исклучиво фотки од детството и младоста.

Прочитајте и: Ја изневерил со 2 жени во ист викенд: Нови мрачни тајни за бракот на Доналд и Меланија Трамп

Е. П. | Црнобело