Заборавени манири кои очајно е потребно да се вратат во секојдневието

Како дете, сигурно ви кажувале што се добри, а што лоши манири.

За жал, како што поминува време, така некои луѓе забораваат на однесувањето по бон-тон и почнуваат да делуваат по автоматизам.

Ова е само мала листа на заборавени манири кои очајно сакаме да се вратат во секојдневието:

Вие слободно може да ја дополните листата во коментари...

1. Не ја гребете чинијата до последна капка.

2. Чашата треба да стои на десната страна од чинијата.

3. Јавете се доколку доцните.

4. Задржете ја вратата за човекот позади вас.

5. Бидете точни кога закажувате состанок.

6. Не го проверувајте телефонот додека сте на маса, со луѓе.

7. Чувајте салфетка во скут додека јадете.

8. Не се „пикајте“ во разговори во кои луѓето своеволно не ве вклучуваат.

9. Почитувајте го личниот простор.

10. Не фрлајте отпадоци ДО, туку ВО кантата.

11. Прашајте дали треба да ги соблечете чевлите пред да влезете во нечиј дом.

12. Не ги потпирајте лактите на масата.

13. Не се преправајте дека не сте виделе некого кого реално добро го познавате.

14. Не зјапајте во телефонот додека пешачите.

15. Не се појавувајте никаде, ама баш никаде, без да се најавите.

16. Бидете благодарни дури и за подароците кои можеби не ви се по вкус.

17. Покријте ја устата кога зевате или кивате.

18. Извадете ја капата кога влегувате во затворена просторија.

19. Секогаш носете вино, цвеќе или нешто слатко кога одите на гости.

20. Не покажувајте со прст кон нешто или некого.

21. Не плукајте на земја.

22. Одржувајте контакт со очите додека зборувате.

23. Џвакајте со затворена уста.

24. Природата оставете ја онаква каква што сте ја нашле – можеби и за нијанса почиста.

25. Прашајте пред да посегнете по нешто што не е ваше.

26. Оставете бакшиш.

М. Д. | Црнобело