Мони Хуанг од Тајван по 3 месеци живот во Охрид: „Благословена сум што имав шанса да живеам во овој град“

„Дојдов во Македонија пред 2 години и комплетно се вљубив во оваа земја. Годинава дојдов повторно со моето момче. Отседнавме во Охрид изминатите 3 месеци...“, раскажува Мони од Тајван.

Во Фејсбук групата „Expats and Foreigners in Macedonia“ членуваат луѓе кои дошле да ја посетат нашата држава на извесен период или пак се преселиле тука и споделуваат искуства.

Една од нив е и Мони Хуанг од Тајван која пред две години ја посетила нашата држава, комплетно се вљубила во неа и затоа годинава дошла тука да живее 3 месеци. Таа престојувала во Охрид.

Во оваа Фејсбук група Мони објави видео од нејзиниот престој во Македонија и напиша:

„Јас сум Мони од Тајван! Дојдов во Македонија пред 2 години и комплетно се вљубив во оваа земја.

Годинава дојдов повторно со моето момче. Отседнавме во Охрид изминатите 3 месеци, па одлучив да го направам моето прво видео тука. За секогаш да помниме, дури и во оваа тешка година, дека сме благословени што имавме шанса да патуваме низ Македонија и да живееме во Охрид.

Ти благодариме Македонија, навистина се надеваме дека ќе дојдеме повторно наскоро. Се надевам дека ќе ви се допадне видеото и ве молам игнорирајте го делот каде зборувам мандарински“.

Фотографии од Мони направени во Македонија:

С. С. | Црнобело