Маж покажува што е секси кога сте во брак, со „пред и потоа“ фотки од чистење

Кори Питерс од Алабама, САД, решил да му покаже на светот што значи зборот „секси“ кога сте во брак, па почнал да објавува „пред и потоа“ фотографии на кои се гледа дека го чистел домот.

Кога секој ден одите на работа, а притоа имате деца и обврски во домот кои чекаат на вас, веројатно најмногу би се израдувале кога ќе сфатите дека некој, во овој случај партнерот, ви помогнал со домашните обврски. Кори сакал да го покаже токму тоа, кога почнал да ги прави неговите фотографии.

Кори објавил неколку „пред и потоа“ фотографии на кои покажува што исчистил во домот и смета дека тоа се најсекси фотките што можете да ѝ ги испратите на сопругата.

„После 7 години поминати со сопругата, тврдам дека ништо не е посекси од тоа да ѝ испратите ваква фотографија на партнерката. Момци, ако мислите дека на вашата врска ѝ треба нешто ново, испратете ѝ некоја ваква фотографија и ви ветувам дека кога партнерката ќе се врати дома, нема да ги тргне рацете од вас“.

Кори ги споделил фотографиите на Facebook и генерално добива само позитивни коментари и од жени, но и од мажи.

Па, мажи, ако сакате да ја изненадите партнерката, обидете се со советот на Кори и испратете ѝ ваква „секси“ фотографија.

Спирова С. | Црнобело