„Ја избричив главата по 14 години криење со екстензии“ - емотивна исповед на девојка со алопеција

„Конечно сум слободна и среќна. Бричењето на главата е голем чекор за мене и сфатив дека сум убава и покрај мојата состојба. Бев толку исплашена дека нема да најдам некој да ме сака...“, вели Клое во својата емотивна исповед.

Клое Томас (26) од Луизијана добила дијагноза алопеција на 12-годишна возраст и цели 14 години ги криела ќелавите делови од главата со помош на додатоци за коса и постојано се обидувала со разни третмани.

Но, на Инстаграм таа откри дека конечно ја прифатила својата состојба. Клое ја избричи слабата и проретчена коса и храбро го прикажа процесот.

Во својата исповед таа откри дека имала алопеција од 12-годишна вораст, автоимуна болест која резултира со опаѓање на косата.

„Никогаш не знаев дали ќе се разбудам без коса некој ден. Пробав сѐ што е во моја моќ за да ја спасам косата и да го прикријам тоа, од болни инјекции во скалпот до масла и креми. За жал, безуспешнно.

Еднаш една личност ми кажа дека сум многу силна и не дозволувам алопецијата да ме задржува и да го контролира мојот живот, но не беше така. Ако бев поканета некаде и моите екстензии не беа залепени бев загрижена што ќе кажат луѓето.

Плус, слушав коментари од типот „Зошто носи екстензии? Знаеш дека не е убава, така? Поголемиот дел од нејзината коса е вештачка“.
Ваквите коментари ме следеа целиот живот. Работам како модел и отсекогаш ми беше страв што ќе кажат клиентите што ме ангажираат ако дознаат за мојата состојба.

Но, искрено сега не ми е грижа за нив, конечно сум слободна и среќна. Бричењето на главата е голем чекор за мене и сфатив дека сум убава и покрај мојата состојба. Бев толку исплашена дека нема да најдам некој да ме сака, но научив да се сакам себеси.

На тие што страдаат од алопеција им порачувам - вие сте УБАВИ. Ништо не е погрешно со вас, само сте уникатни како мене.

Луѓето велат дека е потребна сила за да ја избричите главата и да го прифатите тоа, но јас мислам дека потребна е сила за да се сакате себеси и покрај местата без коса на главата. Дали сѐ уште ќе носам есктензии и перики? Да, затоа што ми се допаѓа како изгледаат. Но ќе се сакам себеси дури и кога не ги носам. Апсолутно. Тоа сум јас.“

Прочитајте и Девојка, што страда од алопеција од 16 години, храбро ја избричи главата

Фотки од Клое по бричењето:

На следната страна фотки од Клое со екстензии и перики...