Девојка, што страда од алопеција од 16 години, храбро ја избричи главата

„Порано се срамев од мојата состојба, но сега ја прифатив ќелавоста и сакам да ги охрабрам и другите.“

Емили МекКлеланд (21) од Ирска е шминкерка која од својата 16-та година страда од алопеција.

Таа се срамела многу што косата почнала да ѝ опаѓа и со помош на користење шампон за суво миење додавала волумен и ги криела деловите од главата што ѝ се голи.

Потоа почнала косата постојано да ја носи во опавче, па почнала да носи перики и дури сега собрала храброст за да ја прифати својата ќелавост.

Емили сосема ја избричила главата и својот нов изглед гордо го покажа пред светот.

„Сакам да ги едуцирам луѓето дека алопецијата е нормална работа. Луѓе ми праќаат пораки дека се срамат што страдаат од алопеција, но тоа е затоа што јавноста не е запознаена доволно со оваа состојба.

Едноставно, нема поента да се грижите за нешто кое не можете да го промените. Јас на почетокот бев засрамена и се обидував да се сокријам. Но, сега сум силна и позрела и сакам да ги охрабрам сите со истиот проблем“, порачува Емили.

 

С. С. | Црнобело