5 грешки со кармин кои ви додаваат години

Не правите пилинг на усните, ја игнорирате бојата на вашата кожа и претерувате со мат кармини по 40-тата година.

Кога избирате кармин, не можете да се водите само по она што е во тренд.

Има многу фактори кои влијаат на тоа како ќе ви стои некој кармин, а постојат и грешки кои можат да ви додадат години.

Пет од најчестите грешки со кармин:

Ја игнорирате бојата на вашата кожа

Кога одбирате кармин, мора да ја земете предвид бојата на вашата кожа, вклучително и на усните.

Ако нијансата на карминот не се совпаѓа, може да го стави фокусот на усните, па и да ги нагласи брчките во оваа област.

На пример, дречливиот кармин не ѝ стои добро на Џеј Ло бидејќи има потемен тен. Но, потемната нијанса на црвен кармин ѝ стои одлично и изгледа многу поприродно.

Претерувате со мат текстура

Мат кармините се хит, но не треба да претерувате со нив.

Ако карминот е многу сув, ќе ги истакне брчките околу устата, без разлика каква боја има.

Доколку сте повозрасни и забележувате дека волуменот на усните ви е намален, тогаш е подобро целосно да ги избегнувате мат кармините.

Не правите пилинг на усните

Без разлика каков кармин ќе ставите, штом усните ви се суви и кожата се лупи, нема да изгледа добро.

Важно е да ги негувате усните исто како и лицето. Барем еднаш неделно правете нежен пилинг и редовно користете балсам за хидратација.

Секако, пијте и доволно вода за да го хидрирате телото.

Не ја земете предвид вашата возраст

Боите што ви стоеле добро во младоста може да делуваат нападно ако имате 40, па и повеќе години.

Премногу дречливите бои ги истакнуваат брчките и текстурата на усните, па можат да направат да изгледате постаро.

Не користите моливче за усни

Ако не ставите моливче за усни, карминот побрзо ќе се разлее и ќе ги истакне брчките во оваа област.

Моливчето делува како бариера и го прави карминот подолготраен.

Покрај тоа, со него можете да додадете волумен на усните, што ќе ви даде помалдешки изглед.

Спирова С. | Црнобело