Нов тренд на ТикТок се темните подочници - девојките дури си ги цртаат

Целта е прифаќање на несовршеностите, а девојки на социјалните мрежи ги нагласуваат своите подочници и искажуваат бунт против поставените идеали за убавина во општеството.

Младата генерација на ТикТок има нов чуден тренд. Овојпат тие ги промовираат темните подочници, нешто што жените одамна се обидуваат да го сокријат со помош на коректор и пудра.

19-годишниот британски модел Сара Карстенс, која има сѐ поголема популарност на оваа социјална мрежа, прва го промовираше новиот тренд.

Поентата е девојките да ги прифатат своите несигурности и да шетаат без шминка.

Но, девојките на ТикТок одат дури и чекор понатаму и со помош на шминка ги прават своите подочници потемни од што навистина се.

Тие порачуваат дека сакаат да го нормализираат она што ги прави жените несигурни и што не влегува во стандардите за убавина.

Сакаат да привлечат внимание кон тие карактеристики и да направат жените да веруваат во себе и покрај несовршеностите.

Тинејџерките почнаа да споделуваат видеа како со помош на кармин или сенка за очи си прават илузија на темни подочници.

Новиот тренд на ТикТок:

@sarathefreeelf

 

♬ Greek Tragedy (Oliver Nelson TikTok Remix) - The Wombats

@abbyroberts

#stitch with @sarathefreeelf eye bags r sexi okay

♬ original sound - Abby Roberts

@daniellemarcan

@sarathefreeelf and @abbyroberts made me do it

♬ Greek Tragedy (Oliver Nelson TikTok Remix) - The Wombats

С. С. | Црнобело