Мајка на 6 деца за време на карантинот си го истетовирала речиси целото тело

38-годишната мајка од Лондон вели дека наредно планира да го истетовира лицето, без разлика што околината ја суди за потезите.

Никола Суливан (38) од Лондон е мајка на 6 деца, која за време на пандемијата се забавувала така што ставила низа тетоважи на своето тело.

„Имав неколку тетоважи на телото во минатото, но знаев дека еден ден ќе се прекријам цела со тетоважи. Минатата година периодот на карантин го минував дома со братучед ми кој е тату артист и за 2 ипол недели тој го трансформираше моето тело“.

Суливан открива дека првата тетоважа на своето тело ја ставила на 17-годишна возраст и тоа било Ѕвончица на нејзиниот грб.

„Бев дете и кога ја избрав таа тетоважа не помислив дека таа ќе биде на мене до крајот на животот.“

Втората тетоважа ѝ била името на нејзината ќерка на ногата на кинески. Потоа ставила уште неколку во емоционални мигови како тогаш кога го изгубила татко ѝ.

„Кога сум емотивна и вознемирена тетоважите ми се омилен начин за процесирање на моите емоции, па така кога започна пандемијата почнав да чувствувам анксиозност и ова беше мој начин за справување со ситуацијата“, вели Суливан која додава дека нејзиниот братучед ја тетовирал внимателно и посветено, а еднаш ја тетовирал 11 часа непрекинато.

Суливан додава дека се случува на улица луѓето да ѝ дофрлаат непријатни коментари и да ја осудуваат, но дека таа не планира да сопре и желба ѝ е во иднина да си го истетовира и лицето.

С. С. | Црнобело