Со помош на трик земал 100.000 долари во „Кој сака да биде милионер“ без да ги знае точните одговори – како му успеа?

„Јас не ги добив парите, туку ги заработив“ – велеше контроверзниот Австралиец кој од квизот „Кој сака да биде милионер?“ си замина со сума од 100.000 долари. Тврдеше дека не ги знаел одговорите на ниту едно од прашањата, но како му успеа да си замине со толкава сума?

so-izmama-zema-100-000-dolari-vo-koj-saka-da-bide-milioner-bez-da-gi-znae-tochnite-odgovori-kako-mu-uspea-01.jpg

Квизот „Кој сака да биде милионер?“ беше мошне популарен во сите делови од светот, а во некои земји, се емитува и денес.

По приказната за Британецот Чарлс Инграм којшто со измама победи и успеа да добие милион фунти, а за тоа доби и затворска казна, една од највпечатливите приказни е и за младиот Австралиец Халид Ел Кататени кој си заминал со 100.000 долари без да ги знае точните одговори на прашањата.

so-izmama-zema-100-000-dolari-vo-koj-saka-da-bide-milioner-bez-da-gi-znae-tochnite-odgovori-kako-mu-uspea-02.jpg

Во 2014-та година, тогаш 19-годишниот Халид го привлече вниманието на австралиската публика така што јавно бараше луѓето да го следат на Инстаграм, а на водителот Еди Мекгвајер му рече дека планира да купи 10 џет-ски возила доколку победи.

so-izmama-zema-100-000-dolari-vo-koj-saka-da-bide-milioner-bez-da-gi-znae-tochnite-odgovori-kako-mu-uspea-03.jpg

Халид во тој период беше студент по правни науки, но велеше дека наместо да се потпира на своето знаење, тој заработил огромна сума пари така што се потпирал на сопствените инстинкти за читање на говорот на телото на водителот и публиката.

so-izmama-zema-100-000-dolari-vo-koj-saka-da-bide-milioner-bez-da-gi-znae-tochnite-odgovori-kako-mu-uspea-04.jpg

Тој по завршувањето на квизот рече дека за сите пет прашања што му биле поставени, ги повторувал можните одговори и ги следел реакциите на лицето на водителот за да го одреди точниот одговор.

„Ако ме погледнете ќе видите дека јас внимавам на Еди Мекгвајер, ги следам и најситните детали на неговото лице.

Освен тоа, ја следев и реакцијата на публиката и така ги знаев одговорите“ – рече тој.

so-izmama-zema-100-000-dolari-vo-koj-saka-da-bide-milioner-bez-da-gi-znae-tochnite-odgovori-kako-mu-uspea-09.jpg

Интересно е што по прегледувањето на снимките никој не можел да утврди дали тврдењата што тој ги изнесува се точни и дали навистина не ги знаел одговорите на прашањата, па затоа неговите добивки воопшто не биле доведени во прашање.

Сепак, откако ги доби парите тој рече дека прво им понудил поголема сума на нивните родители, а тие одбиле и биле мошне горди со него.

„Само ве молам не пишувајте дека сум ги добил парите. Јас не добив ништо – туку заработив“ – порача тогаш за австралиските медиуми младиот Халид.

Освен што си замина од квизот со поголема сума пари, благодарение на тоа што јавно го повторуваше својот Инстаграм профил стекна и голем број следбеници, а наместо 10 џет-ски возила, сепак одлучи да купи само едно.

so-izmama-zema-100-000-dolari-vo-koj-saka-da-bide-milioner-bez-da-gi-znae-tochnite-odgovori-kako-mu-uspea-07.jpgфото: Facebook - Khaled El-katateny

Б. С. Б. | Црнобело

Би можело да ве интересира:

Инспирирани од измамникот од Тиндер, луѓе споделуваат хорор-приказни од апликации за состанување „Требаше да одиме на вечера – ми рече да го следам до еден контејнер и ми рече д...
Сериски убиец кој усмртил 100 жени, победил на квиз за состаноци на слепо: „Се однесуваше навистина ... „Почна да ми се лоши. Тој се однесуваше навистина морничаво“ – изјавила учесничк...
Лицето ѝ се дефомирало од болест, била нарекувана „најгрдата жена во светот“ – Тажната приказна на М... Животот на Мери Ен бил генерално добар – работела како медицинска сестра, била в...

Најчитани неделава

sonovnik-sidebar.jpg