За што сè можете да го користите лакот за коса освен за фризури?

Полесно да протнете конец низ игла

Ако нанесете малку лак за коса на конецот, тој ќе се стврдне, па многу полесно ќе го протнете низ малото дупче на иглата за шиење.

Да го спречите кинењето на хулахопките

Ако направите мало дупче на хулахопките, а немате друг пар при рака, можете да го спречите проширувањето на дупката со лак за коса.

Треба само да го испрскате дупчето со малку лак за коса.

Да отстраните мастило од пенкало од облека

Постапката е слична како за отстранувањето кармин – ставете лак за коса на дамката, почекајте да делува неколку минути, истријте ја дамката, па исперете ја облеката.

Да ги отстраните боичките од ѕидот

Ако вашето дете ја покажало креативноста на ѕидот, можете да ги отстраните трагите од боичките со лак за коса.

За ова можете да користите некој евтин лак за коса – само осигурете се дека има поголемо количество алкохол.

Нанесете го лакот на памук и нежно тријте го ѕидот. Само треба да бидете трпеливи бидејќи процесот може да оди побавно. 

Секако, прво пробајте на помала површина. 

Да ја зачувате свежината на букетот

Ако имате букет со свежо цвеќе, испрскајте ги цветовите со лак за коса за да му го продолжите векот уште неколку денови.

Спирова С. | Црнобело