За што сè можете да го користите лакот за коса освен за фризури?

Ако направите мало дупче на хулахопките, а немате други при рака, можете да го спречите неговото проширување ако го испрскате со лак за коса.

Лакот за коса е можеби најдобриот продукт за фризури и има моќ да ги задржи на место со часови. Но, знаевте ли дека можете да го користите овој продукт и за бројни други работи?

За што сè можете да го употребите лакот за коса?

Да го спречите одврзувањето на врвките од патиките

За да го избегне одврзувањето на врвките, само испрскајте ги со лак за коса.

Но, најдобро користете го овој трик само кога планирате да одите долго време во патиките бидејќи потоа сепак ќе треба да ги исчистите врвките од лакот.

Да отстраните кармин од облека

Испрскајте ја дамката од карминот со спреј за коса и оставете да делува 15-тина минути.

Потоа натопете чиста крпа во топла вода, истријте ја дамката, па исперете ја облеката како вообичаено. Секако, нема гаранција дека ќе извади секаков тип на кармин.

Брзо исушете го лакот за нокти

Ако сте во брзање откако ќе се излакирате, испрскајте ги лакираните нокти со лак за коса. Само внимавајте да прскате од поголемо растојание за да не го уништите лакот.

Ефектот нема да биде потполно ист како кога чекате да се исуши лакот, но може значително да го забрза процесот ако немате многу време.

Да отстраните остатоци од налепници

Некогаш е тешко целосно да ги отстраните налепниците на продуктите за убавина, но лакот за коса може да ви помогне и во овој случај.

Лакот за коса ќе го стврдне лепилото од налепницата, па полесно ќе можете да го истриете.

Продолжува на следната страница...