Во Дубаи не смеете да јадете со левата рака и уште 4 работи кои се несоодветни за емиратската култура

Иако Дубаи е една од најопуштените, космополитски дестинации во светот, до одреден степен треба да внимавате на вашето однесување. Она што се смета за нормално во Македонија може да биде несоодветно таму, па дури и нелегално.

Пред да патувате Во Дубаи, проверете како треба да се однесувате за време на вашиот престој.

Во Дубаи се смета за многу навредливо користењето на левата рака

Според локалните жители, левата рака се користи за бришење кога е потребно.

Ако ги допрете луѓето со левата рака за да се поздравите, тоа е сериозна навреда за нив и е нехигиенско.

Се смета и за многу грубо да јадете храна со левата храна, па дури и да ја отварате вратата.

Ако сте левак, посетата на Дубаи ќе ви биде предизвик.

Бакнувањето во јавност е целосно забрането

Ако ве фатат како се бакнувате на улица или на плажа, може да бидете уапсени и вратени во вашата земја.

Прегрнувањето исто така не е многу прифатливо од локалното население, но не е нелегално.

Консумирањето алкохол на јавни места е строго забрането

Има само лиценцирани места каде што можете да пиете, но за нив треба да добиете посебна дозвола.

Законската возраст за консумирање алкохол е 21 година.

Локалната култура и општество во Дубаи се изолирани, но ги штитат жените

Ако сте маж и гледате во некоја жена подолго време, тогаш можете да наидете на проблеми.

Секогаш треба да ги третирате локалните жени со почит за време на вашиот престој во Дубаи, бидејќи сексуалното вознемирување и непочитувањето на жените се строго казнети.

Би било добро овој закон да го има во сите земји, нели?

Јавното пцуење е забрането

Задржете ги навредите и вулгарните зборови и во никој случај не споделувајте омаловажувачки забелешки против исламот додека сте во Дубаи.

Ова се смета за сериозен, казнив прекршок и повеќе од неколку странци се затворени за давање непотребни коментари.

Имајте културна чувствителност и воздржете се од какви било искази кои може да се сметаат за навредливи, а ова правило треба да го почитувате и во секоја друга земја. Слободата на говор не е универзално право.

M. Г. | Црнобело / фото: depositphotos.com