Витаминско фрапе

Потребни состојки:

• 4 праски, 2 моркови, 2 dl млеко, 2 dl вода, лажица мед.

Подготовка:

Морковите исчистете ги, изрендајте ги, прелијте ги со медот и оставете ги да постојат половина час. Праските исчистете ги, па заедно со морковите иситнете ги во блендер. Во подготвената каша додајте млеко, матете уште малку па додајте ја водата. Пред да го послужите фрапето декорирајте го со парченца овошје и листови од нане.

Сани шејк

Потребни состојки:

• 1 банана, 1 круша, 200 ml блага павлака, 200 ml јогурт (пожелно е да биде со помалку маснотии), 2 лажици мед, половина чаша издробен мраз.

Подготовка:

Иситнете ги бананата и крушата во блендер, па додајте го медот и јогуртот. На подготвената каша додајте ја благата павлака и матете до саканата густина. На крајот додајте го мразот. Декорирајте по ваш избор, но најдобро со парчиња свежо овошје.