Колку вистина има во пророштвата на баба Ванѓа и што предвидела за 2023 година?

Кои се нејзините најпознати пророштва?

Како што веќе спомнавме, самата баба Ванѓа нема запишано ниту едно пророштво, па мора да се потпираме на изјавите на луѓето кои наводно ги слушнале овие пророштва.

Некои луѓе тврдат дека таа го предвидела распадот на Советскиот Сојуз, катастрофата во Чернобил и датумот на смртта на Сталин.

Сепак, некои велат дека голем дел од пророштвата што ѝ се припишуваат на баба Ванѓа се само митови. Односно, таа никогаш не ги предвидела овие настани.

Некои веруваат дека таа ја предвидела и сопствената смрт. Имено, баба Ванѓа рекла дека во сон видела дека ќе почине на 11-ти, а ќе биде погребана на 13-ти август.

Кратко пред ова пророштво, таа наводно кажала дека по нејзината смрт, слепо девојче од Франција ќе ги наследи нејзините моќи.

Иако не можеме да ги потврдиме пророштвата што наводно ги кажала баба Ванѓа, постои случај со босанска актерка и пејачка кој е по малку морничав.

Силвана Арменулиќ била на турнеја низ Бугарија и решила да ја посети баба Ванѓа бидејќи тој период била опседната со претскажување на иднината.

Наводно, баба Ванѓа воопшто не ѝ прозборела, а по извесен период само ѝ рекла дека не сака пари од неа и да си оди.

„Не сакам да зборувам со тебе. Не сега. Оди и врати се за три месеци“, ѝ рекла баба Ванѓа.

 

Но, како што актерката се упатила кон вратата, баба Ванѓа рекла:

„Чекај. Нема да можеш да дојдеш“.

Актерката го сфатила ова како пророштво за нејзината смрт и расплакана излегла од домот на баба Ванѓа.

Силвана загина во сообраќајна несреќа истата година.

 

Што предвидела за 2023 година?

Уште еднаш истакнуваме дека не може со сигурност да се знае кои пророштва се навистина кажани од баба Ванѓа, но некои се повторуваат од неколку различни извори кога станува збор за 2023 година.

Исто така, имајте на ум дека пророштвата можат да бидат двосмислени и да се толкуваат на различни начини. Па, секогаш можеме да си најдеме некаква поврзаност со сегашните настани, дури и ако пророштвата се однесуваат на некој друг период.

Наводно, за 2023 година баба Ванѓа предвидела некаква нуклеарна катастрофа.

Таа изјавила и дека некоја „голема држава“ ќе прави истражувања со биолошко оружје врз луѓе, кои ќе резултираат со илјадници смртни случаи.

Баба Ванѓа предвидела и дека, некако, Земјата ќе си ја промени орбитата, како и дека планетата ќе биде погодена од голема соларна бура.

Според некои извори, баба Ванѓа предвидела дека ќе се забрани природното раѓање на луѓето, а сите бебиња ќе бидат „одгледани“ во лабораторија.

Кои се неостварените пророштва на баба Ванѓа?

Ако слепо им веруваме на пророштвата на баба Ванѓа, нè очекуваат навистина мрачни денови, па затоа е важно да споделиме и дел од пророштвата кои биле погрешни.

Таа сметала дека во 2010 година ќе почне нова светска војна во која ќе се користи нуклеарно оружје и која ќе трае до 2014-та.

Друго погрешно предвидување е дека во 2011 година северната хемисфера ќе остане без животни и растенија, а жителите од муслиманските земји ќе почнат војна против Европа.

Гробот на баба Ванѓа

Баба Ванѓа сметала дека како последица од светската војна, по 2014 година многу луѓе ќе страдаат од рак на кожата и други слични заболувања.

Таа предвидела дека до 2016 година Европа ќе биде речиси целосно празен континент.

Баба Ванѓа верувала и дека на почетокот до 21-иот век ќе биде откриен лек за рак, како и дека луѓето ќе станат бесмртни.

Една од нејзините куќи во Петрич

Ова се само дел од неостварените пророштва на баба Ванѓа, а ги има многу повеќе.

Можеби таа навистина имала некаква моќ за гледање на иднината, но кога ќе земете предвид колку пророштва биле погрешни и колку не се ни кажани од неа, нема потреба да се грижите за делумно мрачните предвидувања за нашата иднина.

Спирова С. | Црнобело