Се верува дека е предвесник на земјотреси – Нуркачи снимија ретка „риба весло“ во близина на Тајван (видео)

Ако оваа риба биде забележана во плитките води, тогаш ќе има земјотреси, според јапонското суеверие. Но, се претпоставува дека рибата што беше снимена во близина на Тајван е забележана во плитки води бидејќи е повредена.

За „рибата весло“ се вели дека е најголемата риба што има коски во својот труп, а неодамна нуркачи успеаја да снимат ваква риба во близина на источниот брег на Тајван.

Во јапонската митологија се верува дека оваа риба е предвесник на земјотреси, па затоа често ја нарекуваат и „риба земјотрес“.

Оваа риба била снимена од страна на нуркачи кои нуркале во близина на Тајван, а биле изненадени од нејзината појава во поплитките води затоа што вообичаено овие риби пливаат на длабочини од 200 до 1.000 метри.

Со оглед на тоа што живеат толку длабоко, се верува дека рибите ја претчувствуваат сеизмичката активност и пливаат кон површината за да се заштитат себеси.

Овие суеверија уште повеќе се прошириле во 2011-та година кога 2 години пред катастрофата во Фукушима, биле забележани голем број вакви риби како испливуваат на површината. 

Но, најверојатно овојпат рибата избрала да пливи во поплитки води затоа што е повредена, а на нејзиното тело на видеото може да се забележат големи дупки, што најверојатно се последици на напад од ајкула.

„Најверојатно рибата умираше, па затоа испливала во поплитки води“ - вели инструктурот за нуркање Ванг Ченг Ру, а пренесува NewYork Post.

Снимената риба е со големина од околу 2,5 метри и е всушност мала ако се земе предвид дека овие риби може да пораснат и до 19 метри.

Кликнете на стрелките од Инстаграм објавата за да го видите видеото:

Б. С. Б. | Црнобело