Дали знаете која храна е опасна по животот на вашето куче?

Секој ќе се сложи дека кучињата јадат буквално сѐ што ќе им се понуди и обично секогаш бараат од храната која ние ја јадеме. Има и ситуации, каде кучињата повеќе не сакаат да се хранат со кучешка храна туку единствено со она што ние го консумираме.

Тешко е да го одбиете вашиот миленик кога жално ве гледа додека ја голтате храната, но одолејте на тој поглед бидејќи оваа храна е опасна по животот на миленикот.

Чоколада - Сигурно понекогаш ви се случило да дадете парче чоколада на вашето куче, но тоа поеќе не смеете да го правите. Чоколадата е многу штетна првенствено по здравјето на кучето, а потоа и по животот.

Авокадо - Овој тип храна содржи состојка наречена персин, која може да предизвика дијареа или повраќање кај вашето милениче. Затоа внимавајте пред да се одлучите да му дадете дури и најмало залаче.

Сурово месо - Тргнете од себе и запрашајте се: Дали за вас суровото месо би било штетно? Тогаш, секако дека е штетно и за вашиот миленик. Во незготвеното месо се наоѓаат голем број на бактерии кои може да го разболат вашето куче.

Свинско месо - За многу раси свинското месо може да предизвика алергиска реакција и да го доведе кучето до гушење. Пред да земате одредена раса на куче распрашајте се за храната на која би можело да е алергично.  

Грозје - Бидете претпазливи кон вашето куче и не му дозволувајте да се приближува до грозјето. Овој тип овошје може да биде многу штетен за нивниот дигестивен систем. За грозјето е познато дека може да предизвика бубрежни заболувања токму кај кучето.

Освен оваа храна, вие можете да го делите својот оброк со миленикот, но најдобро би било кога човечката храна би ја намалиле на минимум и би почнале да го храните со специјална кучешка храна и да го заштитите од сите можни опасности.