Како да подготвите домашен оброк за вашето куче?

Засукајте ги ракавите и подгответе му на вашето куче оброк кој ќе ви го заштеди буџетот, но и пред сѐ ќе биде здрав за вашиот миленик.

Можете секој ден да му подготвувате по некој од овие интересни оброци, кои вашето милениче сигурно ќе ги засака. Време е да го одморите од сувата храна.

1. Вкусни бисквити

Потребни состојки:

• ½ чаша млеко
• 1 јајце
• 2 супени лажици путер
• ¼ брашно
• Сол

Начин на подготовка:

Изматете ги јајцата, путерот и млекото во чинија, потоа додајте го брашното и малку сол. Направете си облик по желба и печете ја смесата во рерна на 180 степени.

2. Пилешко со ориз

Потребни состојки:

• 4 парчиња пилешки гради, без кожа и коски
• 3/2 чаша ориз
• Сезонски зеленчук

Начин на подготовка:

Згответе го пилешкото и исечкајте го по должина на мали парчиња. Во посебен сад сварете го оризот. Додајте го било кој сезонски зеленчук кој вашето куче го обожава. Добиениот оброк содржи малку масти и се препорачува на кучиња кои имаат проблем со телесната тежина.

3. Ручек за 15 минути

Потребни состојки:

• Пилешки џигери
• 1 чаша брашно
• 1 јајце
• 1 чаша палента

Начин на подготовка:

Исечкајте го џигерот на ситни парчиња и заедно со јајцата измешајте ги во блендер. Потоа додајте ги во чинија заедно со брашното и палентата и доволна количина на вода за смесата да биде течна. Ставете ја смесата во рерна и печете 15 минути на 200 степени.

4. Омлет со пилешко

Потребни состојки:

• 1 јајце
• 2 пасирани компири
• 1 рака варено пилешко месо
• ½ чаша варен зеленчук
• 1 кришка сирење

Начин на подготовка:

Во тавче загрејте маслиново или сончогледово масло. Изматете ги јајцата и компирот и додајте ги во тавчето. Распоредете ги зеленчукот и пилешкото, поклопете и почекајте јајцата да се испржат. Додајте го сирењето и пржете уште малку, додека да се стопи. Послужете го изладено.

5. Крцкав оброк

Потребни состојки:

• 4 чаши брашно
• 1 јајце
• 2 кафени лажички масло
• 1dl сок од портокал
• 2 чаши вода

Начин на подготовка:

Изматете ги сите состојки, направете облик по желба. Потоа испржете ги во тавче.

6. Овошен десерт

Потребни состојки:

• 2,5dl овошен сок
• 1 банана
• ½ чаши јогурт

Начин на подготовка:

Изматете ги состојките и изладете ги во фрижидер.

7. Оброк од месо и тестенини

Потребни состојки:

• 60g макарони или друг вид на тестенини
• Mесо од гулаш
• Варен зеленчук или остатоци од веќе подготвен зеленчук
• Коцки леб

Начин на подготовка:

Сварете ги тестенините. Исечканото месо испржете го во масло, а потоа додајте го зеленчукот. Исцедете ги тестенините и додајте ги во тавчето.