Што сака да ви каже кучето кога мавта со спуштена опашка, се тресе, лежи на грб...?

Секоја положба на телото на вашето куче означува некаков знак преку кој тоа сака да ви покаже дека е гладно, жедно, но и дека му значите или сте му недостасувале.

Следните илустрации ќе ви покажат како подобро да разберете што сака да ви каже вашиот миленик или непознатото куче кое го сретнавте на паркингот.

1. Мавта со опашката, спуштена надолу

Ако кучето бавно мафта со опашката тоа е знак дека не знае што се случува и се прашува што сакате од него. Ако кучете брзо мафта со спуштената опашка ви признава дека вие сте „главни“.

2. Малку мрда со опашката која е подигната вертикално

Кучето го става во прашање вашиот авторитет, бидејќи се смета за „главно“ во дадената ситуација.

3. Свиткана опашка и вовлечена меѓу нозете

Ова е знак дека кучето е исплашено, чувствува некаква болка или неудобност. Ако опашката многу често му е во таа положба, можеби е добро да го однесете на ветеринар.

4. Широко отворени очи

Кучето го привлекло вашето внимание. Тоа ве предизвикува и очекува да одговорите на тоа.

5. Замижува и трепка со очите

Тоа значи дека е спремно за игра. Но, ако кучето премногу често примижува, можеби има некаква алергија или друга болест, па не би било лошо да го одведете на ветеринар.

6. Кренати уши или уши свртени напред

Кучето е љубопитно и реагира на нов настан во средината околу него.

7. Ушите залепени за главата

Ова е знак дека кучето е исплашено. Понекогаш може да му биде спуштено само едното уво, обично левото. Тоа покажува одбранбена реакција кон луѓето што не ги знае или страв.

8. Проѕевање

Ова е знак дека дека кучето е нервозно или иритирано. Тоа е честа појава која може да се забележи кај малечките кучиња кога ќе се најдат во друштво на повозрасни. Но, ако кучето се проѕева кога е со сопственикот, тоа значи дека е многу приврзано за него.

9. Лижење на носот

Кучето се однесува така кога е под стрес, притисок или мисли дека е во опасност.

10. Ги покажува забите, но не ’ржи

Тоа само ја штити својата територија и им покажува на „натрапниците“ што е негово.

11. Лежи на грб со стомак свртен нагоре

Кучето покажува доверба кон вас и очекува да го пофалите за тоа.

12. Ја става главата на коленото на сопственикот

Кучињата на овој начин привлекуваат внимание и ви покажуваат дека сте им потребни. Можете да ги погалите и да им покажете внимание.

13. Ја става шепата на коленото на сопственикот

Ако овој гест е извршен демонстративно од страна на кучето, тоа значи дека кучето сака да доминира. Тренерите препорачуваат одвреме-навреме да го погледнете кучето во очи и да му ја тргнете шепата.

14. Ја крева предната шепа

При ваквата положба, кучето изразува некакво барање. Можеби е гладно или сака да си игра. Понекогаш кучињата, особено ловечките, го прават тоа штом забележат нешто интересно.

15. Се врти кон вас со грб

На овој начин вашиот крзнен пријател ви покажува дека ви верува.

16. Тресење

Тресењето е еден од начините на кој кучето се ослободува од стресот.

М. С. | Црнобело