Како едно гратче во Чиле го реши проблемот со бездомните кучиња?

Кога ќе видиме бездомни кучиња кои лутаат по улиците, многу од нас се обидуваат да им најдат дом и да ги згрижат.

Но, во едно гратче во Чиле малку поразлично успеале да го решат тој проблем.

Тие организирале специјална програма со тренинзи за да им дадат можност на кучињата да ѝ се придружат на локалната полиција.

На тој начин, напуштените и осамени кучиња, освен што ќе бидат згрижени, ќе помагаат и во одржувањето на законот и редот во градот.

Тие гордо ги придружуваат полицајците на патрола, носејќи слични рефлектирачки елеци.

За целосен третман, кучињата добиваат дом и храна – целосен социјален пакет!

По специјалните обуки, кучињата скитници ќе се вратат на улиците, но овојпат како професионални борци против криминалот – вели градоначалникот на градот.

Одличен начин за напуштените животни да добијат нов живот и да станат корисни за општеството.

Се надеваме дека ова ќе биде пример и за останатите градови.

М. М. | Црнобело