Конечно: Геџет кој држи храна за кучиња, додека вие ги фоткате

Сите љубители на животни и сопственици на домашни миленичиња, знаат дека е многу тешко да се фотографираат животните. Без разлика дали гледаат настрана, не сакаат да седнат или едноставно да застанат на едно место, речиси е невозможно да се добие саканата фотографија од вашето милениче, освен ако не се вклучи храна при фоткањето.

Токму поради тоа компанија го измислила овој практичен додаток за мобилни телефони, којшто ќе го задржи вниманието на вашето милениче доволно долго за да може да го фотографирате.

Овој додаток лесно се прикачува на врвот на вашиот мобилен телефон или таблет. Се состои од свивливо раче со штипка кое овозможува на него да се прикачи омилената храна или награда на вашиот домашен миленик, веднаш над камерата на апаратот.

На тој начин додека миленичето се фокусира на храната, вие ќе можете совршено да ја фокусирате камерата на вашиот миленик.

Зарем не би сакале да го имате овој едноставен додаток за совршени фотки од вашите миленичиња?

(O)Милена | Црнобело