Зошто повеќето сибирски хаски имаат проѕирно сини очи?

Кај некои раси кучиња бојата на очите е поврзана со бојата на крзното, но тоа не е случај со хаските.

Врз основа на истражени 6.000 примероци на ДНК од кучиња, донесени се значајни заклучоци во врска со општото здравје на расата, но и други сознанија, како што е сината боја на очите кај хаските.

Кај нив е присутна мутација кај генот кој е одговорен за бојата на очите. Сини очи имаат и многу други раси, но во најголем дел кај нив се работи за рецесивна карактеристика.

Кај хаските тоа е мутација кај генот ALX4, кој е одговорен за пигментацијата во нивните очи. Всушност, знаејќи го ова, јасно е дека нивните очи всушност не се сини, туку се безбојни, а бојата ја добиваат поради мрежата на крвни садови и рецепторни клетки во ирисот и светлината која се прекршува во нив.

Токму поради тоа се случува некои единки да имаат кафеави или кафеаво-зелени очи, други проѕирно сини, а хетерохромијата воопшто не е ретка кај оваа раса на кучиња.

Е. Д. | Црнобело