Чудни навики кои кучињата ги имитираат од своите сопственици


Чудни навики кои кучињата ги имитираат од своите сопственици

Секој кој чува куче во одреден момент забележува дека тоа веќе е рамноправен член на семејството, со слични навики како и луѓето кои го чуваат.

chudni-naviki-koi-kuchinjata-gi-imitiraat-od-svoite-sopstvenici-01.jpg

Бенефитите од чување домашни миленици се многубројни, без разлика за какво животно и да се работи.

Но, кога се во прашање кучињата, вашиот миленик е способен набљудувач кој знае да направи визуелна разлика во вашето однесување и да го имитира она што е добро. Колку повеќе повторувате некоја акција, толку е поверојатно дека и тоа ќе ја прифати од вас.

Ова се неколку интересни навики кои ги имитираат од вас:

Се однесуваат како да разговараат

Ако повишите тон, тогаш кучето ќе лае или ќе завива погласно, а кога сте смирени ќе биде смирено и тоа.

Некои раси умеат да имитираат звуци како што се смеењето или плачењето. На моменти ќе ви се чини дека со нив дури и ви враќа кога зборувате.

chudni-naviki-koi-kuchinjata-gi-imitiraat-od-svoite-sopstvenici-02.jpg

Спијат како вас

Додека мачките чекаат да си легнете, за да почне нивниот активен живот, кучињата е поверојатно дека ќе спијат кога спиете и вие. Тие дури и ќе имаат попладневна дремка во исто време со вас.

Огладнуваат кога и вие

Ако сте развиле навика да ги храните кога јадете и вие, тогаш по кратко време кучето ќе почне да чувствува глад во вообичаеното време кога го јадете ручекот или вечерата.

Расположени се исто како вас

Кога сте среќни, ќе забележите дека кучето скока околу вас и сака да си игра. Но, ако сте тажни, тоа е тука, до вас, и целосно сочувствува со вашата состојба.

chudni-naviki-koi-kuchinjata-gi-imitiraat-od-svoite-sopstvenici-03.jpg

Како покажува приврзаност

Гледајќи ве вас како се грижите и за семејството, но и за него, кучето почнува да го имитира и тоа однесување. Затоа, не се чудете ако сака да си легне до вас или до вашите деца или ако се исправи на две нозе и сака да ве гушне.

Ги сака истите луѓе како и вие

Ако кон некого негувате почит и љубов, кучето тоа го гледа и го искажува. Исто е и кога покрај нив има некого кој не ви се допаѓа вам.

Е. Д. | Црнобело

Би можело да ве интересира:

Каква храна смеете да ѝ дадете на мачката, а која не смеете по никоја ... Нема ништо потрогателно од она кога мачката неодоливо ве гледа додека јадете, а ...
Зошто кучињата се лижат себеси и ве лижат вас? Можеби им е здодевно, сакаат да ви покажат љубов или имаат некој медицински проб...
12 фото докази дека кучето му е најдобар пријател на човекот Оние кои немаат кучиња, можеби се скептични кога ќе слушнат дека тие можат да му...