Опасности кои секој сопственик на милениче треба да ги избегнува за време на празниците


Опасности кои секој сопственик на милениче треба да ги избегнува за време на празниците

Иако повеќето сопственици на кучиња, мачиња и други миленици се обѕирни и внимаваат на нив, сепак понекогаш несвесно прават грешки.

opasnosti-na-koi-sekoj-sopstvenik-na-mileniche-treba-da-vnimava-za-vreme-na-praznicite-01.jpg

Посебно, за време на празниците, кога понесени од атмосферата сакаат и тие да објават фотка од кучињата замотани во сијалички, или да ги почестат со некои новогодишни колачиња.

Сепак, сите овие работи и уште многу други, иако личат на безопасни, претставуваат ризик за милениците.

Со цел да избегнете труење со храна и слични ризици по животот на миленичето, добро е да биде свесни за опасностите.

Погледнете кои се најчестите во овој период:

Новогодишни светилки и батерии

Исто како што внимавате на децата, така треба и на милениците – од клучно значење е да ги покриете сите жици и батерии кои им се достапни бидејќи лесно може да се изгорат или дури и да ги удри струја.

Затоа, не се обидувајте да правите фенси фотки од нив завиени во сијалички, бидејќи од забава, може да предизвикате сериозна повреда.

opasnosti-na-koi-sekoj-sopstvenik-na-mileniche-treba-da-vnimava-za-vreme-na-praznicite-03.jpg

Новогодишни елки

Освен што се плашите за тоа дека милениците ќе ви ја уништат елката, треба да се плашите и за нивната безбедност доколку се охрабрите да накитите елка.

Тие не секогаш размислуваат што прават, па често може игличките од елката, делови од лампионите или сијаличките да завршат во нивната уста, што е опасно за нив доколку ги голтнат и се повредат, или пак може да им предизвикаат други проблеми.

Затоа, најдете посебно катче кое ќе го заградите и каде тие нема да можат да пристапат, или снабдете се со специјални елки за миленици.

opasnosti-na-koi-sekoj-sopstvenik-na-mileniche-treba-da-vnimava-za-vreme-na-praznicite-02.jpg

Свеќи

Иако свеќите додаваат посебна магична атмосфера за време на празниците, сепак во домовите со миленици, свеќите се нешто што треба да се избегнува.

Милениците може лесно да се изгорат на шепите или носот обидувајќи се да видат што е тоа и да помирисаат.

Па, или ставете ги на недостижно место за нив, или набавете украси во облик на свеќа кои светат со батерија.

opasnosti-na-koi-sekoj-sopstvenik-na-mileniche-treba-da-vnimava-za-vreme-na-praznicite-04.jpg

Чоколатца и новогодишни колачиња

Многу миленичиња обожаваат да пробаат од секоја храна која ја јадат сопствениците, посебно имаат желба да посегнуваат по благото.

Но, сите знаеме дека чоколадото е најголем непријател за нив, посебно заради какаото и шеќерот, па колку и да ви се слатки со новогодишните колачиња и благи задоволства, не потпаѓајте и не им го ризикувајте здравјето.

opasnosti-na-koi-sekoj-sopstvenik-na-mileniche-treba-da-vnimava-za-vreme-na-praznicite-05.jpg

Празнични растенија

Иако божиќните растенија може да изгледаат прекрасно во домот, сепак за милениците може да бидат отровни и опасни.

Божиќното цвеќе, како и лилиите и имелата, може да имаат сериозни последици, бидејќи се отровни, а може да доведат до откажување на органите и смрт.

opasnosti-na-koi-sekoj-sopstvenik-na-mileniche-treba-da-vnimava-za-vreme-na-praznicite-06.jpg

Снежни топки

Овие стаклени декорации кои сите ги обожаваат во домот, може да бидат многу опасни за милениците, бидејќи лесно се кршат, а скршеното стакло и другите додатоци од внатрешноста се ризични за нив.

opasnosti-na-koi-sekoj-sopstvenik-na-mileniche-treba-da-vnimava-za-vreme-na-praznicite-07.jpg

Завиткани подароци под елка

Подароците кои сте ги спакувале за најблиските, би било најдобро да не ги чувате под елка, бидејќи очекувано ќе ви бидат распарчени и уништени, а хартијата ниту е добра за да биде јадена од милениците, ниту за да биде расфрлана низ вашиот дом.

opasnosti-na-koi-sekoj-sopstvenik-na-mileniche-treba-da-vnimava-za-vreme-na-praznicite-08.jpg

М. М. | Црнобело

Би можело да ве интересира:

Сопственик на куче што не може да оди му купи количка за да го носи на... Меги имаа 11 години и нозете повеќе не ја држат за да шета, но нејзиниот прекрас...
8 знаци дека сте претерано опседнати со вашето милениче Миленичињата е невозможно да не ги сакаме со целото свое срце, но како и со секо...
Важни животни лекции на кои може да ве научи грижата за вашето миленич... Миленичињата се за да ги сакаме силно и безусловно и истото да го добиваме од ни...