Нов уникатен дизајн на новогодишна елка за луѓето со мачки и мали дечиња

Со ваквиот тип на елка повеќе нема нервози и главоболки, сепак дали е толку магична како традиционалната елка?

Броиме ситно до ставањето на елката со новогодишните украси и сијалички во нашиот дом, но што е со луѓето кои имаат мачки и мали дечиња, кои постојано се вратат околу елката и ги буткаат лампионите?

Компанијата „Argos“ смисли специјален дизајн на елка за да стави крај на нивните проблеми. На неа ги нема ниските гранки кои може да бидат проблем, а тој слободен простор може да се искористи за ставање на подароци, велат одговорните од компанијата.

Нивното мото е: „Одржувајте ги совршено безбедни вашите прекрасни лампиони, панделки и сијалички, на страна од досегот на вашите љубопитни дечиња што лазат или пак од шепите на вашата разиграна мачка.“

Ова е интересна варијанта на традиционалната елка што штеди и простор и главоболки, но сепак не изгледа толку магично како традиционалната елка.

Што мислите вие?

С. С. | Црнобело