Зошто да изберете да вдомите возрасно куче, наместо мало?
Спонзорирано од:
Спонзорирано од ОгласиЗаРабота.мк
Kelner 18-08-2019
КЕЛНЕР 18-08-2019


Зошто да изберете да вдомите возрасно куче, наместо мало?

Пред сè, изборот за тоа какво милениче ќе чувате е само ваш и вие најдобро знаете какви ви се условите во домот. Но, постојат причини зошто да дадете шанса на возрасно куче.

zoshto-da-izberete-da-vdomite-vozrasno-kuche-namesto-malo-01.jpg

Стационарите се преполни со миленици кои поради одредени причини се напуштени. Можеби прва мисла е дека со повозрасно куче ќе имате поголеми ветеринарни трошоци, а помалку заедничко време, но никој не гарантира дека нема тоа да се случи и со мало.

Ако сè уште размислувате, ова се неколку причини поради кои би било добро да вдомите возрасно куче:

Нема многу изненадувања

Возрасните кучиња веќе имаат хигиенски навики и нема да имате потреба да ги учите. Исто така, во стационарот можат добро да ви објаснат за секое куче, бидејќи веќе и тие ги знаат.

Имаат воспоставени навики за спиење

Веројатно најголемиот дел од возрасните кучиња спијат ноќе, кога спијат и нивните сопственици. Од таа страна, нема да имате потреба да го нарушувате сонот, за да му излезете во пресрет на вашето милениче.

zoshto-da-izberete-da-vdomite-vozrasno-kuche-namesto-malo-02.jpg

Го прескокнувате периодот на менување млечни заби

Возрасното куче ја нема инстинктивната потреба да гризе сè што ќе му се најде на патот, додека со малите ќе треба да се погрижите тоа да не бидат вашите обувки.

Сите кучиња заслужуваат дом

Без разлика зошто е напуштено, секое куче заслужува дом. Затоа треба добро да се информирате дали страда од некоја болест или има проблеми со однесувањето и врз основа на тоа да процените дали сте во состојба да се грижите за него.

Спасувате недолжен живот

Сурова вистина е дека дел од напуштените кучиња се успиваат или се враќаат на улица. Со вашата одлука да вдомите возрасно куче, вие во вашите раце држите спас за најмалку еден недолжен живот.

zoshto-da-izberete-da-vdomite-vozrasno-kuche-namesto-malo-03.jpg

Генерално, трошоците се пониски

Ако кучето веќе е стерилизирано и ги има примено првите вакцини и потребните терапии, вие треба да продолжите само со редовни контроли кај ветеринар и да им обезбедите храна.

Многу, многу љубов

Спасените кучиња знаат да покажат безгранична љубов и лојалност. Вие им го давате домот што го заслужуваат, а тие ќе ве сакаат до последниот ден.

Е. Д. | Црнобело

Би можело да ве интересира:

Позитива на денот: Слепо куче има куче водич, кое му помага во животот... Видео од слепо куче кое се симнува по скали со помош на своето куче водич станат...
11 нешта кои вашето куче не сака да му ги правите Ако сакате да бидете навистина најдобри пријатели со своето куче, тоа значи дека...
Каква храна смеете да ѝ дадете на мачката, а која не смеете по никоја ... Нема ништо потрогателно од она кога мачката неодоливо ве гледа додека јадете, а ...