Зошто нилските коњи на Пабло Ескобар ѝ се кошмар на Колумбија?

Колумбискиот нарко бос засекогаш ќе остане мрачен симбол на неговата татковина, а неговите нилски коњи сè уште слободно шетаат и тероризираат низ неа.

Нарко босот Пабло Ескобар, кој се смета дека е одговорен за повеќе од 7.000 убиства, беше познат по неговиот екстравагантен начин на живот. Почина во 1993 година, но неговите бизниси засекогаш ставија црн печат на Колумбија.

Тој дополнително ѝ предизвика проблеми на својата татковина и со нилските коњи кои ги чуваше во приватната зоолошка градина во својот дом.

Нилските коњи, донесени од Африка, по неговата смрт интензивно се размножуваат, дел шетаат слободно и тероризираат села.

Кога се распадна империјата на Ескобар постоеја само 4 нилски коњи, но истражувачите проценуваат дека денес ги има повеќе од 50.

Поголем дел од нив живеат на имотот на Ескобар, кој беше претворен во тематски парк во 2007 година. Но, нивниот број расте, не можат да бидат задржани и дел шетаат слободно наоколу.

Овие животни му штетат на природниот тек на дивиот живот во регионот. Власта почна да ги лови, но по побуната на заштитниците на правата на животните тие сопреа со тоа. Еко системот страда, а и начинот на живот на луѓето во одредени реони.

Тие се опасни и територијални животни. Ловот сега е забранет, а решението се смета дека е релоцирање на животните и стерилизација.

Нислките коњи се атракција за туристите, но кошмар за Колумбија. Еден експерт вели дека Колумбија е единствената држава покрај Африка во која може да видите како нилски коњи се шетаат слободно.

Прочитајте и 13 факти за Пабло Ескобар - имал 142 авиони за криумчарење, глувци му ги јаделе парите!

С. С. | Црнобело