Моногамни животни што остануваат заедно цел живот

Верувате во љубов до крајот на животот?

Сите можеме да научиме по некоја лекција за животот во пар од овие симпатични животни кои целиот живот го поминуваат во моногамија со избраниот партнер.

Макаронски пингвин

Повеќе од 90 проценти од птиците се моногамни, но ретко кој вид покажува приврзаност како макаронските пингвини. Тие танцуваат кога ќе се видат, а кога ќе се роди малечкото, таткото го чува додека мајката лови храна.

Канадски жерав

Луѓето имаат песни и поезија, но канадските жерави имаат повик на унија преку којшто објавуваат на сите дека се во врска. Женката крешти двапати, а мажјакот одговара со едно крештење.

Морско коњче

Пред да почнат да ги носат малечките во својата торба на стомакот, мажјаците на морските коњчиња флертуваат со потенцијалните партнерки така што ги испреплетуваат опашките и танцуваат заедно. Женките можат да станат љубоморни и да се борат помеѓу себе за мажјакот.

Волк

Алфа мажјакот и неговата партнерка се всушност двојката околу која се врти целата социјална хиерархија на глутницата волци. Двојката се пари еднаш годишно.

Кукувија (вид був)

Кукувиите имаат свој сопствен јазик на љубовта. Мажјаците флертуваат со потенцијалните партнерки така што им носат мртви глувци и крештат, а женките што се заинтересирани одговараат со кукање.

Плочестогрб сцинк

Ова е тип на гуштер во Австралија којшто се враќа кај истиот партнер секоја сезона на парење. Мажјаците ги импресионираат женките со галење и лижење, а откако ќе се спарат врската може да трае и по 20 години. Двојките дури и заедно шетаат, блиску еден до друг, мажјакот малку поназад од женката.

Продолжува на следната страна...