Терапија со кучиња - хотел каде може да си играте со спасени миленичиња

Ги спасуваат, им обезбедуваат кров над глава, им помагаат да ги надминат траумите и им дозволуваат на гостите да си играат со спасените кучиња - постои ли подобар одмор од овој?

Единствениот проблем е што во таквиот одмор може да уживаат само оние кои ќе одат на Бали...

Puri Garden Hotel & Hostel се наоѓа на Бали, а им овозможува неограничена игра и галење на оние на кои никогаш не им е доста од време поминато со кучиња.

Покрај прекрасната градина со лежалки, базенот и јога сесиите, хотелот го цени времето поминато со животни, па двапати неделно нудат и терапија со кучиња покрај базен.

Кучињата кои немале среќна судбина се спасени и донесени во овој хотел, каде гостите може да си играат со нив и да уживаат во мирот.

„Моите гости прават кучињата да се чувствуваат посмирено бидејќи многу од нив се трауматизирани. Терапијата им помага и на нив да се социјализираат повторно и да сеткнат верба во луѓето, бидејќи локалците се однесувале со нив лошо. Исто така, гостите имаат одлична можност да поминат време во галење и играње со малечките кучиња, а тоа ги подготвува кучињата за вдомување.“ – изјавил сопственикот на хотелот.

Одлична идеја со која кучињата се спасуваат, негуваат и имаат место за живеење додека не најдат некој што ќе ги вдоми.

Веројатно треба да постојат повеќе вакви места во светот:

М. М. | Црнобело