9 намирници кои се безбедни за вашето куче (и треба да ги вклучите во исхраната)

Лубеница за освежување во лето и путер од кикиритки како награда - неколку намирници кои слободно можете да му ги давате на вашето куче.

Нема потреба да го ограничувате вашето куче само на конзервирана или сува храна.

Можете слободно да му давате јаболко, компир, ананас, јајца или боровинки, кои се полни со витамини и влакна. Кога станува збор за количината, најдобро консултирајте се со ветеринар бидејќи секое куче има различни потреби.

Кучињата имаат различен метаболизам од нашиот и не секоја „човечка“ храна е погодна за нив.

Но, без проблем можете да им ги давате следните намирници:

Јаболка

Тие се безбедни за кучињата и се полни со влакна, минерали и витамини, кои помагаат при здраво функционирање на метаболизмот.

Кога му давате јаболка на кучето, извадете ги семките.

Јајца

Јајцата се безбедна храна за кучињата ако се целосно сварени или испржени. Секако, без никакви додатоци како сол и зачини.

Природен путер од кикиритки

Природен путер од кикиритки е извор на протеини и витамин Б. Важно е путерот да не биде солен.

Лубеница

За летните денови, лубеницата е одлична ужина за кучињата.

Црвениот дел од лубеницата содржи многу витамини, особено Ц, но кората и семките можат да бидат опасни, па извадете ги.

Банани

Бананите се богати со влакна и сосема се безбедни за кучињата. Можете да им дадете неколку парчиња или да испасирте една банана и да ја измешате со неговата храна.

Пченка

Можете да им давате варена или печена пченка на кучињата, без додатоци како сол.

Некои уживаат да грицкаат и замрзната пченка, но во овој случај внимавајте на кучето за да не се задави од цврстите зрна.

Свеж ананас

Додека го служите во мали количини, ананасот е хранлива ужина за кучињата.

Но, бидете умерени - премногу ананас може да предизвика гадење и дијареја.

Боровинки

Боровинките се, всушност, многу здрави за кучињата, бидејќи имаат малку калории и се полни со витамини.

Компир

Важно е компирот да биде варен или печен. Полн е со витамини и влакна, само внимавајте да не биде солен или зачинет.

Ашера | Црнобело