Храна што никако не смеете да ѝ ја давате на вашата мачка

Можеби не сте знаеле, но мачките немаат сетило за благо. Но, некои видови храна не само што немаат вкус за мачките, туку можат да бидат навистина опасни.

Сигурно вашата мачка речиси секогаш ве моли да ѝ дадете и од вашата храна, а кога ќе ѝ ја исполните желбата, мислите дека ѝ правите добро.

Но овие видови храна се штетни, па дури и отровни за вашата мачка, па немојте да ѝ ги давате, без разлика колку ве моли.

Млеко и млечни производи

Повеќето возрасни мачки се нетолерантни на лактоза. Иако постои мит дека секоја мачка сака млеко, никогаш немојте да ја храните со млечни производи.

Нетолеранцијата на лактоза ќе предизвика повраќање и дијареја. Ако вашата мачка е жедна, дајте и само вода.

Чоколадо и слатки

Кофеинот и теоброминот се состојки во чоколадото што можат да бидат штетни за мачките. Штом мачката ќе изеде чоколадо, овие состојки стануваат токсични и можат да предизвикаат проблеми со црниот дроб.

Исто така, немојте да ѝ давате на мачката никакви слатки. Слатките имаат шеќер што е штетен за овие животни.

Сирово месо и риба

Сировото месо и сировата риба можат да содржат бактерии и паразити кои се отпорни на антибиотици. Овие бактерии можат да предизвикаат сериозни болести.

Покрај тоа, вишокот масти од месото може да предизвика воспаление на панкреасот на мачките.

Сирови јајца

Никогаш не треба да им давате на мачките сирови јајца. Како и месото, и сировите јајца содржат бактерии што можат да предизвикаат проблеми со дигестивниот систем.

Покрај тоа, сировите јајца имаат вид протеин кој мачките не можат да го апсорбираат и кој може да предизвика дефицит на витамини.

Доколку сакате да ја храните мачката со јајца, секогаш давајте ѝ ги варени или пржени.

Кромид и лук

Дури и најмалата количина од оваа храна може да биде опасна за мачките.

Јадењето кромид и лук може да предизвика анемија кај овие животни, која се карактеризира со тешкотии при дишењето, болка во стомакот и промена на бојата на урината.

Продолжува на следната страница...