Ексклузивни фотки од новите жители на ЗОО Скопје - три неодоливи пингвини

Минатата ноќ, 16.12, во Скопје ЗОО пристигнаа новите животни - неколку преслатки пингвинчиња.

Синоќа на официјалниот Instagram профил на зоолошката во Скопје ја споделија веста дека конечно пристигнале пингвините.

Пингвините веќе оствариле контакт со негувателите и ја добиле првата вечера во новиот дом. Некој период тие ќе поминат во карантин за да можат да се адаптираат на новата животна околина, а од зоолошката велат дека редовно ќе гледаме фотографии и видеа додека да дојде време да ги видиме во живо.

Од зоолошката споделија две фотографии - на едната се гледаат три кафези, а на втората се гледаат три пингвини.

„Пингвинчињата ќе живеат во современо живеалиште правено по светски стандарди, со голем надворешен базен и внатрешен топол дел со затворен базен. Благодарност до Град Скопје што ни овозможија да имаме ново прекрасно катче во градината, со уште попрекрасни птици за првпат кај нас“, пишува во објавата.

Ексклузивно за CRNOBELO.com, портпаролот на Скопје ЗОО Тина Мицковска, испрати неколку слатки фотографии од новите жители на зоолошката.

• 
• 
• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело